जलियाँवाला बागक शहीद सभकेँ श्रद्धांजलि, आबयवाला पीढ़ीसभ सदिखन याद राखत : पीएम मोदी
नई दिल्ली
*
प्रधानमंत्री नरेंद्र मोदी देसवासी सभकेँ जलियाँवाला बागक शहादत याद दियेलनि। ओ मासूम लोकक बलिदानकेँ स्वतंत्रता संग्रामक एकटा महत्वपूर्ण मोड़ कहलथि।
प्रधानमंत्री मोदी रविकेँ दूटा पोस्ट कएलथि। पहिलमे बैसाखीक शुभकामना सभ देशवासीकेँ देलथि तऽ दोसरमे भारतीय इतिहासक कारी अध्यायकेँ याद दिएलथि। ओ सोशल मीडिया प्लेटफॉर्म एक्स पर लिखलथि – हम जलियाँवाला बागक शहीदसभकेँ श्रद्धांजलि दैत छी। आबयवला पीढ़ीसभ हुनकर अदम्य साहसकेँ सदिखन याद रखत। ई वास्तवमे हमर देशक इतिहासक एकटा कारी अध्याय छल। हुनकर बलिदान भारतक स्वतंत्रता संग्राममे एकटा महत्वपूर्ण मोड़ बनि गेल।
पीएम मोदीसँ पहिने केंद्रीय गृहमंत्री अमित शाह सेहो एक्स पोस्टमे ओहि नरसंहारकेँ भारतक स्वतंत्रता संग्रामक कारी अध्याय कहलन्हि। ओ एहिकेँ अंग्रेजी हुकूमतक अमानवीयता केर पराकाष्ठा बतेलथि।
कांग्रेसक राष्ट्रीय अध्यक्ष मल्लिकार्जुन खड़गे जलियाँवाला बाग नरसंहारकेँ याद करैत लिखलथि – जलियावाला बागक अमर बलिदानिकेँ हम सिर झुका कऽ नमन करैत छी। कृतज्ञ राष्ट्र ओहि निःशस्त्र स्वाधीनता सेनानीक देशभक्ति, हुनक साहस, समर्पण, त्याग आ निःस्वार्थ बलिदानकेँ कहियो नहि बिसरि सकैत अछि। आजादीक लड़ाईमे हुनक शहादतक अमिट योगदान अविस्मरणीय रहत।
