बिहारक मुख्यमंत्री आ जनता दल यूनाइटेड (जेडीयू) प्रमुख नीतीश कुमार राष्ट्रीय जनतांत्रिक गठबंधन (राजग) संसदीय दलक बैसारमे प्रधानमंत्री नरेन्द्र मोदीक प्रशंसा करैत कहलनि, “ई खुशीक बात अछि जे १० सालसँ ओ प्रधानमंत्री छथि आ फेरसँ प्रधानमंत्री बनय जा रहल छथि। ओ देशक सेवा कयने छथि। आब हमरा विश्वास अछि कि, जे किछु बाँचल अछि, अगिला बेर हम सब पूरा करब। जे किछु हर राज्यक सेहो अछि। हमसब सभ दिन हिनक संग रहब। जे करताह, जेना करताह, सब किछु नीक अछि।”
कम सीट दिस इशारा करैत ओ कहलखिन, भविष्यमे एहन किछु नहिं होयत।
ओ कहलनि, “हमरा लगैत अछि जे जखन अहाँ अगिला बेर आयब ने, तऽ एहि बेर जे लोक एम्हर-ओम्हर किछु जीति गेल अछि, अगिला बेर ओ सभ हारत।” हम बहुत आश्वस्त छी। ई सब बिना मतलबक गोल-मटोल कय कऽ की कयलक अछि ? ओ लोकनि आइ धरि कोनो काज नहिं कयने छथि आ ने देशक सेवा कयने छथि। अहाँ बहुत सेवा कयलौंह अछि। ओकर बाद एहि तरहसँ भेल अछि। एहि बेरक अवसरक बाद आगाँ किछु नहिं होयत, ओहि लोकक लेल कोनो गुंजाइश नहिं रहत। ओ सभ लोक हारि जाएत। दोसर दिस बिहारक सभ काज सेहो होएत। जे किछु बाँचल अछि, हम ओ सेहो करब। ई देशक सबसँ पुरान क्षेत्र अछि। हमसभ पूर्ण रूपसँ जे आहाँ चाहब, ओहिमे हम पूरा लागल रहब।”
आगू ओ कहलनि, “इ बढ़िया अछि, हम सभ एखनि जतबा संग छी, बहुत बढ़िया अछि। हम सभ एक संग चलब, हम पूरा अहांक संग रहब। अहां पूरा देशकेँ लऽ कऽ आगू बढ़ब, इहे हमरा सभकेँ कहबाक अछि। हमर निवेदन अछि जे अहाँक काज जल्दीसँ जल्दी शुरू होए, शपथ ग्रहण भऽ जाए। अहां एकरा रविकेँ करए जा रहल छी। हम तऽ चाहैत छलहुं जे आइए भऽ जाइत तऽ बढ़िया रहैत। जतेक जल्दी काज होयत, ओतेक बढ़ियाँ। सब बढ़िया होएत। इ पूरा देशकेँ बहुत फायदा होएत। जँ कियो एकरा एम्हर-ओम्हर करय चाहैत अछि तखन ओकरा कोनो लाभ नहिं अछि। अतः हम अहांकेँ अभिनंदन करैत छी। सभ गोटे बहुत खुश छथि। सब अहाँक नेतृत्वमे काज करत। हम सभ अहाँ सभक सङ्ग रहब, एक सङ्ग भऽ जे किछु करब, अहाँक बात मानैत आगू बढ़ब।”
