निवेशककेँ आकर्षित आ रोजगार सृजनक लेल राज्य सभ बाधा दूर करय : पीएम मोदी

नई दिल्ली
*

प्रधानमन्त्री नरेंद मोदी शनिकेँ कहलनि जे राज्य आ केन्द्र शासित प्रदेश सभ निवेशकेँ प्रोत्साहित करबाक वा रोजगार उत्पन्न करबा लेल नीति संबंधी रुकावट सभकेँ दूर कय लेबाक चाही। ओ एहि पर बल देलनि जे यदि केन्द्र सरकार आ राज्य एक संग टीम इंडिया जकाँ काज करैत अछि तँ कोनो लक्ष्य असंभव नहि अछि।

नीति आयोगक 10म गवर्निंग काउंसिलक बैसारक बारेमे पत्रकार सभकेँ जनतब दैत सीईओ बीवीआर सुब्रह्मण्यन कहलनि जे बैसारमे उपस्थित सभ गोटे सर्वसम्मतिसँ पाकिस्तानमे आतंकी ढाँचाक नाश करबाक लेल भारतक दिसिसँ शुरू कएल गेल ऑपरेशन सिंदूरक समर्थन करैत छथि। ओ कहलनि जे प्रधानमन्त्री मोदी राज्य सभसँ कृषि, शिक्षा आ स्वास्थ्य सेवाक दिसि ध्यान केन्द्रित करबाक आग्रह कएलाह।

दिल्लीमे नीति आयोगक 10म गवर्निंग काउंसिलक बैसारक बाद नीति आयोगक सीईओ बीवीआर सुब्रह्मण्यमन प्रेस कॉन्फ्रेंसमे कहलनि कि, ‘हमर 36 राज्य आ केंद्र शासित प्रदेशमे सँ 31 बैसारमे भाग लेलनि। नीति आयोगक गवर्निंग काउंसिलक ई सबसँ बेसी भागीदारी अछि। ई वास्तवमे देखाबैत अछि कि लोक बहुत सकारात्मक सोचक संगे आएल छल। पाँच राज्य जे अनुपस्थित छल- कर्नाटक, केरल, पुडुचेरी, पश्चिम बंगाल आ बिहार।

ओ कहलनि कि, ‘बैसारक एजेंडामे कार्यवाही रिपोर्टक अलावा बैसारक विषय आ एजेंडामे पहिल ‘विकसित भारतक लेल विकसित राज्य छल। प्रधानमंत्री सब राज्यकेँ अपन-अपन राज्यक विजन तैयार करबाक आह्वान कयने छलाह, ताकि हुनका लग ऐहन विजन रहय जे बादमे एकटा पैघ समूहमे समाहित भऽ जाए।

बीवीआर सुब्रह्मण्यम एहि दौरान कहलनि कि, ‘भारत एकटा महत्वपूर्ण मोड़ पर अछि। हमरा लगैत अछि कि देश एकटा ऐहन मुकाम पर अछि, जतय ई बहुत तेजीसँ विकास कय सकैत अछि।

प्रधानमंत्री सभ राज्यसँ अपन स्तर पर विजन दस्तावेज तैयार करबाक आह्वान कय चुकल छथि आ ई भारतक विकासमे पहिनेसँ देखाइत अछि। जखनि हम बाजि रहल छी, तखने हम चारिम सबसँ पैघ अर्थव्यवस्था छी। हम चारि ट्रिलियन डॉलरक अर्थव्यवस्था छी। आई भारत जापानसँ पैघ अछि। जँ हम अपन योजना आ सोच-विचार पर टिकलहुँ, तऽ ई आगूक 2.5-3 वर्षक बात अछि, हम तेसर सबसँ पैघ अर्थव्यवस्था बनि जायब। नीक बात ई अछि कि लगभग 17 राज्य सभ अपन विजन तैयार कय चुकल अछि आ जारी कय चुकल अछि वा जारी करबाक पथ पर अछि। तीन राज्य विजन जारी कय चुकल अछि आ पाँच राज्य यूपी, पंजाब, आंध्र प्रदेश, तमिलनाडु, गुजरात अगस्त धरि विजन जारी कय देत।’

जनतब जे, नीति आयोगक सर्वोच्च संस्था परिषदमे सभ राज्यक मुख्यमंत्री, केंद्र शासित प्रदेशक उपराज्यपाल आ कतेको केंद्रीय मंत्री शामिल भेलथि। प्रधानमंत्री मोदी नीति आयोगक अध्यक्ष छलथि। एहि बैसारमे पीएम मोदी कहलनि, ‘हमर लक्ष्य प्रत्येक राज्यकेँ विकसित, प्रत्येक शहरकेँ विकसित, प्रत्येक नगर पालिकाकेँ विकसित आ प्रत्येक गामकेँ विकसित बनयबाक अछि। जँ हम एहि तरिका पर काज करब, तँ हमरा विकसित भारत बनय लेल 2047 तक इंतजार नहि करए पड़त।