पाकिस्तानक लेल जासूसी करबाक आरोपमे गिरफ्तार हरियाणाक यूट्यूबर ज्योति मल्होत्राक सम्बन्धमे नव-नव खुलासा भऽ रहल अछि। ज्योति मल्होत्राक रिमांडक आई (बृहस्पतिकेँ) अखिरी दिन अछि। एहेनमे ओकरा फेर हिसार कोर्टमे पेश कएल जाएत। सभक नजरि एहि बात पर टिकल अछि जे पुलिस यूट्यूबरक लेल रिमांड मांगत वा ज्योति मल्होत्राकेँ जेल पठाओत।
चारि दिनक पूछताछमे जाँच एजेंसीकेँ काफी जानकारी प्राप्त भेल अछि। एहि हाईप्रोफाइल मामिलामे पहिल बेर हिसार पुलिस द्वारा प्रेस नोटक आधिकारिक बयान जारी कएल गेल अछि। एहिमे भेल प्रगतिक उल्लेख कएल गेल अछि।
हिसार पुलिस अधीक्षक शांशक कुमार सावन प्रेस नोट जारी कय देलनि अछि। एहिमे ओ कहि चुकल छथि कि 16 मईकेँ ज्योति मल्होत्रा 152 बीएनएस आ सरकारी गोपनीय अधिनियमक तहत अभियोग पंजीकृत कय गिरफ्तार कयल गेल। ज्योति मल्होत्रा किछु पाकिस्तान उच्चायोगसँ जुड़ल अधिकारकेँ संपर्कमे रहल। हुनका द्वारा किछु सूचनाक आदान-प्रदान कयल गेल छल। पुलिस कहलक कि ज्योति मल्होत्रासँ 3 मोबाइल फोन, एकटा लैपटॉप आ किछु अन्य इलेक्ट्रॉनिक उपकरण जब्त कयल गेल अछि। ताहि संग-संग कुरुक्षेत्र निवासी हरकीरतकेँ सेहो पूछताछ खातिर बजाओल गेल। हरकीरत वीजा सेवा उपलब्ध कराबैत अछि। पुलिस हरकीरतसँ 2टा मोबाइल फोन जब्त कयलक अछि। हरकीरतकेँ एखन धरि गिरफ्तार नहि कयल गेल अछि। ज्योति आ हरकीरतसँ बरामद मोबाइल फोन, लैपटॉप आ इलेक्ट्रॉनिक उपकरणकेँ जांच खातिर फॉरेंसिक लैबमे पठाओल गेल अछि जतय तकनीकी जांच भऽ रहल अछि।
हिसार पुलिसक अनुसार गैजेट्सक तकनीकी जांचक रिपोर्ट एखनि धरि नहि भेटल अछि। आरोपी ज्योति 5 दिनक पुलिस रिमांड पर अछि। हिसार पुलिस एहि मामिलाक गम्भीरतासँ जांच कय रहल अछि। प्रोटोकॉलक अनुसार किछु केंद्रीय जांच संस्था सभ आरोपी ज्योतिसँ पूछताछ कय रहल अछि। हिसार पुलिस कहलक अछि जे पूरा मामिलाक जांच हिसार पुलिस कय रहल अछि। ज्योति मल्होत्रा हिसार पुलिसक कस्टडीमे अछि। किछु केंद्रीय जांच संस्था सभ समय-समय पर आरोपीसँ पूछताछ कय रहल अछि।
