दोसर चरणक साँझ ५ बजे धरि मतदानक वोट प्रतिशतक संग रोचक खुलासा

नई दिल्ली
*

लोकसभा चुनावक दोसर चरणक मतदान शुक्र साँझ ५ बजे धरि भेल। एहि चरणमे १३ राज्यक ८८ लोकसभा सीटपर १२०० सँ बेसी उम्मीदवारक भाग्य दांव पर लागल अछि। खास बात ई अछि जे एहि चरणमे केरलक सभ २० सीटपर एक सङ्ग मतदान भेल। मतदान भोर ७ बजे शुरू भेल। जेना-जेना दिन बढ़ैत गेल, कतार लम्बा होइत गेल। ओना दुपहरियामे यूपी आ बिहारमे कतेको जगह वोटिंगमे सुस्ती देखल गेल। साँझ ५ बजे धरि सबसँ बेसी ७६.२३ प्रतिशत मतदान त्रिपुरामे छल। मणिपुरमे ७६.०६ प्रतिशत आ उत्तर प्रदेश एवं बिहारमे लगभग ५३ प्रतिशत मतदान भेल। दोसर चरणमे असमक ५ सीटपर मतदान भेल। बिहारमे ५ सीटक लेल भोर ७ बजे मतदान शुरू भेल। छत्तीसगढ़मे १४, जम्मू-कश्मीरमे १४, केरलमे १४, मध्य प्रदेशमे ६, महाराष्ट्रमे ८, राजस्थानमे १३, त्रिपुरामे १, उत्तर प्रदेशमे ८ आ पश्चिम बंगालमे ३ सीटपर मतदान भेल।
दोसर चरणक मतदानमे कतेको दिग्गजक राजनीतिक भाग्य ईवीएममे कैद भऽ गेल।

एहिमे राहुल गांधी (कांग्रेस)- वायनाड, शशि थरूर (कांग्रेस)- तिरुवनंतपुरम, एचडी कुमारस्वामी (जेडीएस)- मांड्या, हेमा मालिनी (बीजेपी)- मथुरा,अरुण गोविल (बीजेपी)-मेरठ, ओम बिरला (भाजपा) -कोटा, भूपेश बघेल (कांग्रेस)-राजनांदगांव जेहन दिग्गज शामिल छथि।

सांझ ५ बजे धरिक मतदान प्रतिशत ई अछि।
असम 70.66
उत्तर प्रदेश 52.64
कर्नाटक 63.90
केरल 63.97
छत्तीसगढ़ 72.13
जम्मू कश्मीर 67.22
त्रिपुरा 76.23
पश्चिम बंगाल 71.84
बिहार 53.03
मणिपुर 76.06
एमपी 54.58
महाराष्ट्र 53.51
राजस्थान 59.19