एहि बेर ७६म गणतंत्र दिवसक अवसर पर इंडोनेशियाक राष्ट्रपति प्रबोवो सुबिआंतो मुख्य अतिथिक रूपमे भारत अयताह। वास्तवमे प्रधानमंत्री मोदीक आमंत्रण पर इंडोनेशियाक राष्ट्रपति २५-२६ जनवरीकेँ राजकीय यात्राक लेल भारत अयताह। राष्ट्रपति प्रबोवो भारतक ७६म गणतंत्र दिवस समारोहमे मुख्य अतिथि होयताह।
विदेश मंत्रालय द्वारा देल गेल आधिकारिक जानकारीक अनुसार, राष्ट्रपति प्रबोवोक आगामी राजकीय यात्रा नेतासभकेँ द्विपक्षीय सम्बन्धक व्यापक समीक्षा करबाक सङ्ग-सङ्ग पारस्परिक हितक क्षेत्रीय आ वैश्विक मुद्दापर चर्चा करबाक अवसर प्रदान करत।
अक्टूबर २०२४मे पदभार सम्हारलाक बाद राष्ट्रपति प्रबोवो सुबिआंतोक ई पहिल भारत यात्रा होयत। एकर अतिरिक्त, ७५ सालक बाद इंडोनेशियाक राष्ट्रपति एक बेर फेर गणतंत्र दिवसक अवसर पर मुख्य अतिथि होयताह।
भारत आ इंडोनेशियाक बीच मधुर आ मैत्रीपूर्ण सम्बन्ध अछि जे सहस्राब्दीसँ चलैत आबि रहल अछि। एकटा व्यापक रणनीतिक साझेदारक रूपमे इंडोनेशिया भारतक एक्ट ईस्ट नीति आ भारत-प्रशांतक हमर दृष्टिकोणमे एकटा महत्वपूर्ण स्तम्भ अछि।
