दुनियाक सबसँ प्रदूषित शहरक टाॅप-२ मे भारत-पाकिस्तानक जिला
नई दिल्ली
*
भारत सहित दुनियाक विभिन्न शहरक लोकसभकेँ सांस लेबामे समस्याक सामना करय पड़ि रहल अछि। दुनियाक १२१ सबसँ प्रदूषित देशक सूचीमे भारतक तीनटा शहर अछि। एहिमे राजधानी दिल्ली, कोलकाता आ मुम्बई अछि। १३ नवंबरकेँ राजधानी दिल्ली स्विस फर्म आईक्यूएआरक लाइव रैंकिंगमे पहिल स्थानपर अछि। आईक्यूएयरक लाइव रैंकिंगसँ पता चलैत अछि जे दिल्ली ५१५ एक्यूआईक सङ्ग दुनियाक सबसँ प्रदूषित शहर अछि। मुदा, भारतमे मौसमक स्वरूप बदलय लागल अछि। पहाड़ी क्षेत्रमे बर्फबारीक बाद मैदानी क्षेत्रमे तापमानमे सेहो गिरावट आयल अछि।
सामान्यतः प्रदूषणक स्तर वायु गुणवत्ता सूचकांक वा एक्यूआईक सन्दर्भमे नापल जाइत अछि। २०० सँ ऊपर एक्यूआईकेँ मानक बहुत खराब मानल जाइत छैक आ ३०० सँ ऊपर एक्यूआई गंभीर रूपसँ खराब स्थितिक संकेत दैत छैक। जँ एक्यूआई स्तर ०-५० केर बीच रहैत अछि तखनि एकरा नीक मानल जाइत अछि। ५१-१०० केँ मध्यम मानल जाइत अछि आ १०१-१५० के बीच संवेदनशील समूहक लेल खराब हवा मानल जाइत अछि। संगहि जँ वायु गुणवत्ता सूचकांक १५१ सँ २०० अछि तखन ई खतरनाक अछि। एकर अतिरिक्त, जँ २०१-३०० भेटैत अछि तँ ई बहुत खतरनाक अछि आ जँ प्रदूषणक स्तर ३०१ सँ बेसी पाओल जाइत अछि तँ ई बहुत-बहुत खतरनाक अछि।
मुम्बई शहर १५८ एक्यूआईक सङ्ग रैंकिंगमे १०म स्थानपर अछि। एकर बाद कोलकाता अछि, जतय एक्यूआई १३६ दर्ज कयल गेल छल।
