भारतीय शेयर बाजार बुधदिन बढ़ोतरीक संग बंद भेल। बाजारमे चारू कात बढ़ोतरी भेल। कारोबार बंद भेला पर सेंसेक्स 700.40 अंक यानी 0.85 फीसदी बढ़ि कए 82,755.51 पर आ निफ्टी 200.40 अंक यानी 0.80 फीसदी बढ़ि कए 25,244.75 पर आबि गेल।
बाजारमे तेजी आईटी स्टॉकक नेतृत्वमे भेल। निफ्टी आईटी इंडेक्समे 1.64 प्रतिशतक बढ़ोतरीक संग बंद भेल। एकर अलावा ऑटो, एफएमसीजी, मीडिया, रियल्टी, इन्फ्रा, फार्मा आ सर्विसेज इंडेक्स ग्रीन मार्कमे छल। निफ्टीक प्राइवेट बैंक आओर पीएसई केर सूचकांक लाल रंगमे बंद भेल।
लार्जकैपक संग-संग मिडकैप आ स्मॉलकैपमे सेहो खरीददारी भेल। निफ्टी मिडकैप 100 सूचकांक 259.30 अंक यानी 0.44 प्रतिशत बढ़ि कए 58,881.70 पर आ निफ्टी स्मॉलकैप 100 सूचकांक 275.10 अंक यानी 1.49 प्रतिशत बढ़ि कए 18,277.85 पर आबि गेल।
सेंसेक्स पैकमे टाइटन, एम एंड एम, इन्फोसिस, पावर ग्रिड, भारती एयरटेल, टीसीएस, टेक महिंद्रा, अल्ट्राटेक सीमेंट, एचसीएल टेक, एटरनल, बजाज फाइनेंस, मारुति सुजुकी, ट्रेंट, टाटा स्टील, एचडीएफसी बैंक आ अदानी पोर्ट्सकेँ फायदा भेल। बीईएल, कोटक महिंद्रा बैंक आ एक्सिस बैंक गिरावटमे छल।
जियोजित इन्वेस्टमेंट्स लिमिटेड केर रिसर्च हेड विनोद नायर कहलनि कि भारतीय इक्विटी बाजारमे सुधारक मध्य पूर्वमे भू-राजनीतिक तनावकेँ कम कय कच्चा तेल केर दाममे कमी होयकेँ समर्थन भेटल अछि। एकर संगही एफआईआई पूंजी वापस लेनाई जारी अछी, मुदा सकारात्मक वैश्विक संकेत घरेलू बाजार केर गतिकेँ कायम राखयमे मदद कय रहल अछि। आईटी आर ऑटोमे पैघ कैप वला शेयर मजबूत डॉलर पर बेहतर प्रदर्शन कय रहल अछी। घरेलू स्तर पर मानसून केर अनुकूल पूर्वानुमान आ नरम मुद्रास्फीति आशावादकेँ आओर मजबूत कय रहल अछी।”
सरकारी संकेतक कारण भारतीय शेयर बाजार उछालसँ शुरू भेल। बुधक भोर करीब 9.25 बजे सेंसेक्स 445.6 अंक यानी 0.54 फीसदी बढ़ि कए 82,500.73 पर कारोबार कय रहल छल, जखनिकि निफ्टी 130.15 अंक यानी 0.52 फीसदी बढ़ि कए 25,174.50 पर आबि गेल।
