सेना प्रमुख (सीओएएस) जनरल उपेन्द्र द्विवेदी १४ सँ १७ अक्टूबर २०२४ धरि जापानक यात्रापर निकलल छथि। सोमदिन जनरल उपेन्द्र द्विवेदी जापानमे भारतीय राजदूत सिबी जॉर्जक सङ्ग वार्ता करताह आ तकर बाद भारतीय दूतावास, टोकियोमे भारत-जापान सम्बन्धपर चर्चा करताह।
१५ अक्टूबरकेँ सीओएएस जापानक वरिष्ठ सैन्य अधिकारीसभक सङ्ग वार्ता करताह। संयुक्त सुरक्षा बलक चीफ ऑफ स्टाफ जनरल योशिदा योशिहाइड, जापान ग्राउंड सेल्फ डिफेंस फोर्स (जेजीएसडीएफ) चीफ ऑफ स्टाफ जनरल मोरिशिता यासुनोरी, अधिग्रहण, प्रौद्योगिकी आ रसद एजेंसी (एटीएलए) आयुक्त इशिकावा ताकेशीक सङ्ग बैसारक योजना अछि।
एहि वार्ताक उद्देश्य भारत आ जापानक बीच मजबूत सैन्य सहयोगकेँ बढ़ावा देनाइ अछि। जनरल उपेन्द्र द्विवेदी रक्षा मंत्रालय, ईचिगयामे स्मारक पर सेहो श्रद्धांजलि अर्पित करताह आ जेजीएसडीएफ द्वारा गार्ड ऑफ ऑनर सेहो देल जायत।ओ जेजीएसडीएफक वरिष्ठ अधिकारीसभक सङ्ग सेहो बातचीत करताह आ आयोजनक दौरान राष्ट्रीय रक्षा अध्ययन संस्थानक दौरा करताह।
१६ अक्टूबर २०२४केँ सीओएएस जनरल उपेन्द्र द्विवेदी जापान ग्राउंड सेल्फ डिफेंस फोर्सक चीफ ऑफ स्टाफ जनरल मोरिशिता यासुओरीक सङ्ग फुजी स्कूलक दौरा करताह। सीओएकेँ स्कूलमे एकटा ब्रीफिंग देल जायत आ एकटा उपकरण आ सुविधा प्रदर्शनी सेहो देखाओल जायत।
१७ अक्टूबरकेँ सीओएएस हिरोशिमाक यात्रा करताह, जतय ओ हिरोशिमा पीस पार्कमे महात्मा गाँधीक प्रतिमापर पुष्पांजलि अर्पित करताह। जनरल द्विवेदीक एहि यात्राक उद्देश्य भारत आ जापानक सेनाक बीच सैन्य सहयोगकेँ मजबूत कयनाइ अछि।
