अभिनेता मनोज कुमार 87 वर्षक आयुमे शुक्रकेँ एहि संसारसँ विदा भऽ गेलाह। हुनक निधनसँ फिल्म जगतक संग-संग राजनीतिक क्षेत्र सेहो शोकमे डूबि गेल।
सलमान खान, संजय दत्त आ रणवीर सिंह सहित फिल्म इंडस्ट्रीक अनेक सितारासभ हुनक निधन पर शोक व्यक्त करैत कहलथि जे जखनि भारतीय सिनेमाक चर्चा होएत, ओ सदिखन स्मरण रहताह।
अभिनेता सलमान खान एक्स हैंडल पर पोस्ट साझा कयलनि, “मनोज कुमार जी… एक सच्चा लीजेंड। अहाँ कहियो नहि बिसरयवाला फिल्म आ याद देलौंह। ताहि लेल धन्यवाद…।”
सुभाष घई लिखलनि, “अलविदा मनोज जी। भारतक महान फिल्म निर्माता जे अप्पन कविता, गीत, नाटक, बेहतरीन शिल्पकला आ सिनेमाक माध्यमसँ देशभक्तिसँ भरल फिल्म सभक निर्माण कएलनि। हमर जेनरेशनमे हम हुनक प्रशंसक छी आ हुनक देशभक्ति आ सिनेमाई अभिव्यक्ति केर भावनाक प्रशंसा कएने छी। व्यक्तिगत रूपसँ एकटा फिल्म निर्माता आ व्यक्तिक रूपमे हम हुनकासँ बहुत कुछ सिखलहुँ। हम ई नहि बिसरि सकैत छी कि ओ हमेशा हमर फिल्म सभ देखबाक बाद हमरा प्रेरित करैत छलथि, नहिं मात्र हम बल्कि पुरा देश अहाँकेँ याद करत।”
अभिनेता मनोज कुमारक निधनसँ आहत संजय दत्त इंस्टाग्राम केर स्टोरीज सेक्शन पर हुनकर एकटा चित्र साझा कएलथि आ कैप्शनमे लिखलथि, “मनोज सर, अहाँ सदा याद आयब।” इंस्टाग्राम पर मनोज कुमार केर एकटा चित्र साझा कए रणवीर सिंह अपन भावना व्यक्त कएलन्हि।
तहिना, ईशा देओल लिखलथि, “मनोजजीकेँ निधन केर खबरि सुनि दुःख भेल। अहाँक आत्माकेँ शांति भेटए। शोक संतप्त परिवारक प्रति संवेदना।” रवि किशन कहलथि, “भारत की बात सुनाता हूँ… मनोज कुमारक निधनक खबरिसँ बहुत दुःख भेल। हम हुनकर बहुत पैघ प्रशंसक छी। भारत हुनका भीतर कूट-कूट करऽ भरल रहल। हुनकामे अद्भुत शक्ति छल। हम हुनका ्सँ बहुत किछु सीखलहुं। हुनक निधनसँ भेल क्षति केर कहियो पूरा नहि कयल जा सकैत अछि।”
भूमी पेडनेकर इंस्टाग्राम पर पोस्ट साझा कए लिखलथि, “मनोज जी केर परिवार, मित्र आ प्रशंसकक प्रति हमर संवेदना।” पूनम ढिल्लोन बतौलथि जे मनोज कुमार सबकेँ सिखेलथि जे सार्थक फिल्म सभ केना बनैत अछि। ओ कहलथि, “हम सभ एहि बातसँ सहमत रहब जे मनोज जी प्रेरणास्पद आ महत्वाकांक्षी दुनू छलाह – सभकेँ हुनका जेकाँ निर्देशक बनबाक इच्छा रहैत अछि। ओ नहिं मात्र सफलता प्राप्त कयलनि, बल्कि साफ-सुथरा आ सार्थक फिल्म बनाबय केर उदाहरण सेहो पेश कएलन्हि। हम लगैत अछि जे जखनि देशभक्तिक फिल्म सभक बात अबैत अछि, त’ ओ वास्तवमे सभकेँ देखाओलन्हि जे अपन देशक प्रति प्रेमक भावना केना प्रेरित कयल जाय।”
अभिनेत्री काजोल ‘क्रांति’, ‘पत्थर के सनम’, ‘पूरब आ पश्चिम’, ‘रोटी कपड़ा आ मकान’ फिल्म सभक उल्लेख करैत सोशल मीडियापर लिखलथिन, “हिनकर फिल्म सभ मात्र फिल्म नहि छल, ओ भावना छल, ओ प्रेरणा छल। अहाँ सदैव स्मरण कएल जाएब।”
