चीन द्वारा अरुणाचलक किछु स्थानक नाम बदलय केर भारत खारिज करैत कहलक – भ्रामक आ निराधार
नई दिल्ली!! भारत चीनक ओहि प्रयास सभकेँ सख्तीसँ खारिज कएलक अछि, जाहिमे ओ अरुणाचल प्रदेशक किछु स्थानक नाम बदलबाक कोशिश कयने छल। विदेश मंत्रालय कहलक जे एहि तरहक काज सभ भ्रामक आ निरर्थक अछि आ भारत ओकरा पूरा तरहसँ अस्वीकार करैत अछि।
मंत्रालयक अनुसार, चीनक दिसिसँ कएल गेल ई डेग गलत आ बिना आधारक अछि। भारतक कहब अछि जे अरुणाचल प्रदेश सतत देशक अभिन्न आ अविभाज्य हिस्सा रहल अछि आ रहत।
भारत स्पष्ट कहलक जे अरुणाचल प्रदेश सदासँ देशक अभिन्न आ अविभाज्य हिस्सा रहल अछि आ रहत। चीनक कोनो तरहक नाम बदलबाक वा झूठ दावा करबासँ जमीनी सच्चाई नहि बदलैत अछि। सरकार कहलक जे चीनक एहि तरहक प्रयास भ्रामक आ बिना आधारक अछि, जकरा भारत पूरा तरहसँ खारिज करैत अछि। एहि दौरान विदेश मंत्रालय दोहरौलक जे ओ अपन संप्रभुता आ क्षेत्रीय अखंडतापर कोनो समझौता नहि करत।
एहिसँ संबंधित एकटा प्रश्नक जवाबमे विदेश मंत्रालयके प्रवक्ता रणधीर जायसवाल कहलनि कि भारत एहेन सभ भ्रामक आ गलत प्रयास सभ केर पूरा तरहसँ अस्वीकार करैत अछि। ओ स्पष्ट कहलनि कि चीन द्वारा कयल गेल झूठा दावा आ मनगढ़ंत कहानी सभ कोनो तरहक सच्चाईकेँ नहि बदलि सकैत अछि। अरुणाचल प्रदेश सहित भारतक सभ क्षेत्र हमेशासँ देशक अभिन्न आ अविभाज्य भाग रहल अछि आ आगूओ रहत।
विदेश मंत्रालयक ई बयान चीनक ओहि रिपोर्टक बाद आयल अछि जाहिमे ओ अरुणाचल प्रदेशक किछु इलाका सभक नव नाम जारी करबाक प्रयास कयने छल। एहेन स्थितिमे भारत एक बेर फेर एकरा राजनीतिक आ भड़काऊ डेग बतौलक आ एहेन सभ दावा सभकेँ पुरा तरहसँ खारिज कयलक अछि।
