भारत अन्तर्राष्ट्रीय विज्ञान महोत्सव (आई.आई.एस.एफ.) असमक राजधानी गुवाहाटीमे ३० नवम्बर सँ ३ दिसम्बर २०२४ धरि आयोजित कयल जायत। महोत्सवक आयोजन विज्ञान आ प्रौद्योगिकी मंत्रालय, पृथ्वी विज्ञान मंत्रालय आ विज्ञान भारतीक सहयोगसँ कयल जा रहल अछि।
भारत अन्तर्राष्ट्रीय विज्ञान महोत्सवक उद्देश्य वैज्ञानिक दृष्टिकोणकेँ बढ़ावा देनाइ, उपलब्धिकेँ स्वीकार करब आ भारतीय जनतामे जागरूकता पैदा केनाइ अछि।
एहिमे बहुत रास रोचक कार्यक्रम होएत। शुक्रदिन आयोजित पत्रकार सम्मेलनमे केन्द्रीय मंत्री जितेन्द्र सिंह कहलनि जे महोत्सवमे सेमिनार, प्रदर्शनी, प्रतियोगिता, कार्यशाला, ज्ञान-आदान-प्रदान गतिविधि, राष्ट्रीय आ अन्तर्राष्ट्रीय विशेषज्ञक प्रौद्योगिकी प्रदर्शन सहित अनेक रोचक कार्यक्रम होयत।
