काँग्रेसक वरिष्ठ नेता राहुल गांधी शनिकेँ कहलनि जे पूरा दुनियाँमे लोकतांत्रिक राजनीति मौलिक रूपसँ बदलि गेल अछि आ एक दशक पहिने जे नियम लागू छल, ओ आब लागू नहि होइत अछि।
हैदराबादमे आयोजित भारत शिखर सम्मेलन 2025 मे एकटा सभाकेँ संबोधित करैत लोकसभामे विपक्षक नेता कहलनि जे आजुक आक्रामक राजनीतिक वातावरणमे विपक्षकें कुचलनाइ आ मीडियाकेँ कमजोर केनाइ मात्र उद्देश्य अछि। भारत जोड़ो यात्राक दौरान अपन अनुभव पर विचार करैत गांधी कहलनि जे हुनका एहसास भेल अछि जे राजनेता लोकक आवाज सुनबामें विफल रहल छथि।
ओ कहलनि, “राजनीति, लोकतांत्रिक राजनीति पूरा दुनियाँमे मौलिक रूपसँ बदलि गेल अछि। हम कहब जे एक दशक पहिने जे नियम लागू छल, ओ आब लागू नहि होइत अछि। कखनो-कखनो, जखनि हम अपन पार्टीकेँ युवा सदस्य सभसँ बात करैत छी, तँ हम पाबैत छी जे 10 साल पहिने जे प्रभावी छल, जे उपकरण 10 साल पहिने काज करैत छल, ओ आब काज नहि करैत अछि।
एआईसीसी नेता कहलनि, “एक प्रकारसँ पुरान राजनीतिज्ञ मरि गेल छथि आ एकटा नव प्रकारक राजनीतिज्ञकेँ निर्माण भेल।” गांधी उल्लेख कएलनि जे हुनका मूल रूपसँ शुक्रकेँ शिखर सम्मेलनकेँ संबोधित करबाक छल, मुदा ओकर बदला हुनका कश्मीर जाए पड़ल। ओ पहलगाम आतंकी हमलाकेँ मद्देनजर भारत संग एकजुटता लेल भारत शिखर सम्मेलनक प्रतिनिधि सभकेँ धन्यवाद कएलनि।
