भाजपा आ आम आदमी पार्टीक बाद कांग्रेस सेहो बुधदिन दिल्ली विधानसभा चुनाव २०२५क लेल अपन घोषणापत्र जारी कयलक। कांग्रेस दिल्लीक जनताकेँ पाँचटा गारंटी देलक।
कांग्रेस भाजपा आ आम आदमी पार्टीक तर्ज पर महिलाक बैंक खातामे पैसा देबाक बात सेहो कयने अछि। आम आदमी पार्टी जतय महिलाक बैंक खातामे २,१०० रुपया देबाक वादा कयलक अछि, ओतहि भाजपा २५०० रुपैया देबाक वचन देलक। एहि प्रतियोगिता मे कांग्रेस महिला के प्रति माह २,५०० रुपया देबाक घोषणा केलक।
दिल्ली कांग्रेस अध्यक्ष देवेन्द्र यादव कहलनि जे कांग्रेस जे गारंटी दैत अछि ओकरा पूरा करैत अछि। कांग्रेस पांच गारंटी दए रहल अछि। बढ़ैत मुद्रास्फीतिके ध्यानमे रखैत महिलाके हर महीना 2,500 रुपया देल जायत। संगहि 500 रुपयामे गैस सिलेंडरक संग मुफ्त राशन सेहो देल जाएत।
ओ कहलनि जे स्वास्थ्य क्षेत्रमे २५ लाख टाकाक स्वास्थ्य बीमा देल जायत। एहि गारंटीमे सबके ध्यान राखल जाएत। चाहे ओ बच्चा हो या बुजुर्ग, सबके 25 लाख रुपयाक बीमाक लाभ भेटत।
पार्टी कहलक जे सबकेँ पौष्टिक भोजन प्रदान करबाक लेल १०० जगह इन्दिरा कैंटीन खोलल जायत। घर पर 24 घंटाक लेल साफ पानि उपलब्ध कराउल जाएत।
घोषणापत्र जारी करबाक समय पवन खेरा, जयराम रमेश, उदित राज आ पार्टीक अन्य नेता उपस्थित छलाह।
जयराम रमेश कहलनि, “आइ ‘गारंटी’ शब्दक प्रयोग सभ दल करैत अछि, मुदा कर्नाटक चुनावमे कांग्रेस पार्टी एहि शब्दक प्रयोग कयलक। हम जनता के ई संदेश देबय चाहैत छलहुं जे कांग्रेस पार्टी जे कहैत अछि ओ करैत अछि। “
७० सदस्यीय दिल्ली विधानसभाक लेल मतदान ५ फरवरीकेँ होयत आ परिणाम ८ फरवरीकेँ घोषित कयल जायत।
