सर्वदलीय बैसारमे सरकार विपक्षकेँ कहलक “देशमे सभ किछु सामान्य अछि”

नई दिल्ली। समदिया

पश्चिम एशियामे बढ़ैत तनावक बीच केंद्र सरकार सर्वदलीय बैसार कय स्थिति पर गहन चर्चा कयलक। रक्षा मंत्री राजनाथ सिंहक अध्यक्षतामे करीब 1 घंटे 45 मिनट धरि चलल बैसार। एही बैसारमे सरकार साफ संदेश देलक कि देशमे हालात पूरा तरहेँ नियंत्रणमे अछि आ कोनो तरहक घबराहटक जरूरत नहि अछि। बैसारक मकसद विपक्षकेँ मौजूदा स्थितिसँ अवगत करेबाक आ राष्ट्रीय स्तर पर एकजुटता देखेबाक छल। बैसारमे सुरक्षा मामिलाक कैबिनेट समितिसँ जुड़ल मंत्री मौजूद रहलाह, जाहिमे अमित शाह, एस जयशंकर आ निर्मला सीतारमण शामिल छलथि। एकर अलावा जेपी नड्डा आ किरेन रिजिजू सेहो बैसारमे शामिल भेलथि। विदेश सचिव विक्रम मिस्री वैश्विक हालात आ पश्चिम एशियाक संकट पर विस्तारसँ जानकारी देलनि। कांग्रेसक तारिक अनवर आ मुकुल वासनिक, समाजवादी पार्टीक धर्मेंद्र यादव आ बीजदक सस्मित पात्रा सेहो बैसारमे मौजूद रहलाह। सरकार स्पष्ट कयलनि कि देशमे ऊर्जा संसाधनक कोनो कमी नहि अछि। तेलक सप्लाई पूरा तरहेँ सामान्य अछि आ पर्याप्त स्टॉक मौजूद अछि। सरकार बतौलक कि चारि आओर जहाज भारत दिस आबि रहल अछि आ किछु अन्य जहाज जल्द होर्मुज क्षेत्रसँ निकत। एहीसँ साफ अछि कि सप्लाई चेनकेँ ल कय कोनो पैघ खतरा नहि अछि। बैसारमे सरकार विपक्षकेँ मौजूदा हालातक पूरा जानकारी देलक आ हुनक सवालक जवाब सेहो देलक। विपक्ष सुरक्षा, तेल आपूर्ति आ विदेश नीतिकेँ ल कय सवाल उठौलनि, जाहि पर सरकार भरोसा दियेलक कि सभ पहलु पर नजरि राखल जा रहल अछि। सरकार कहलक कि सभ कदम सोचि-समझिकय उठाओल जा रहल अछि। सरकार साफ कहलक कि वैश्विक हालात पर लगातार नजरि राखल जा रहल अछि आ जरूरत पड़य पर तुरंत कदम उठाओल जायत। संगही आम लोकसँ अपील कयल गेल अछि कि ओ कनो तरहक अफवाह पर ध्यान नहि देल जाय आ घबराय नहि। सरकारक कहब अछि कि देश पूरा तरहेँ तैयार अछि आ कोनो स्थितिसँ निपटय केर क्षमता राखैत अछि।