देशक किछु राज्यमे भारी बरखाक कहर, आम जीवन प्रभावित
नई दिल्ली
*
देशक किछु भागमे प्री-मॉनसून आ मॉनसूनक बरखा जनजीवनकेँ अस्तव्यस्त कय देलक अछि। दिल्ली, महाराष्ट्र, तमिलनाडु, गुजरात आ राजस्थान समेत किछु राज्यसभमे भारी बरखा आ तुफान बर्बादी मचा देने अछि। बिजली आपूर्ति आ दैनिक जीवन बेकार रुपसँ प्रभावित भेल अछि। भारत मौसम विज्ञान विभाग कतेको राज्यसभमे रेड आ ऑरेंज अलर्ट जारी कय देने अछि।
दिल्लीमे रेकॉर्ड तोड़ वर्षा जलभरावक स्थिति उत्पन्न कऽ देलक। एहि बीच मुख्यमंत्री रेखा गुप्ता दावा केलनि जे स्थिति नियंत्रणमे अछि। ओ कहलनि जे 30 लाख मेट्रिक टन कचरा सफाई कऽ नालासँ पानि तेजीसँ निकालल गेल। नोडल अधिकारी सभकेँ जलभराव बिंदू सभक निगरानी केर जिम्मा सौंपल गेल अछि। आईएमडी दिल्लीमे रेड अलर्ट आ ऑरेंज अलर्ट जारी कएलक अछि। दिल्लीमे आई हल्का वर्षा आ गरज सँग बौछार पड़बाक आशंका अछि। अधिकतम तापमान 34 डिग्री सेल्सियस आ न्यूनतम 20 डिग्री सेल्सियस कऽ आसपास रहबाक संभावना अछि। सप्ताहक दौरान तापमान 43-46 डिग्री सेल्सियस धरि रहि सकैत अछि।
मुंबईमे 26 मईकेँ प्री-मॉनसून वर्षा 100 सालक रेकॉर्ड तोड़ि देलक। भोर 9 सँ 10 बजेक बीच दक्षिण मुंबईमे काल्हि एक घंटामे 104 मिमी वर्षा दर्ज कएल गेल, जखनकि 12 घंटामे 254 मिमी वर्षा भेल। कोलाबामे 295 मिमी वर्षा केर संग मई केर अधिकतम रेकॉर्ड बनल। भारी वर्षासँ लालबाग, छत्रपति शिवाजी महाराज टर्मिनस आ अन्य निचला क्षेत्रमे जलभराव उत्पन्न भेल, जाहिसँ यातायात आ लोकल ट्रेन सेवा सभ प्रभावित भेल। बीएमसी आर एनडीआरएफ केर टीम सभ जल निकासी आ राहत काजमे लागल छथि। महाराष्ट्र सरकारक मंत्री गिरीश महाजन नागरिकसँ अपील कयलनि अछि जे आवश्यक काजक बिना घरसँ बाहर नहि निकलू, विशेष रूपसँ दिनक 2 सँ 4 बजे, कारण तेज हवाक (60-70 किमी/घंटा) संग आ वर्षाक संभावना अछि।
भारतीय मौसम विभाग मुंबई, ठाणे आ रायगढ़ लेल रेड अलर्ट जारी कयलक अछि। रायगढ़मे मूसलधार बरसाक कारण यातायात व्यवस्था ठप भऽ गेल अछि। नेरल-कलंब मार्ग पर पुल पर पानी भरि गेलासँ यातायात बंद भऽ गेल। म्हसाला-श्रीवर्धन मार्ग जलमग्न भऽ गेल अछि आ सपोली-हेतावने-गोंडव फाटा मार्ग पर तटबंध टूटलासँ सड़क बंद भऽ गेल अछि।
तमिलनाडुक कोयंबटूरमे लगातार दोसर दिन बरखा कहर बरपेलक। उप्पिली पलायम रोड पर एकटा तेज रफ्तार कार एकटा ऑटोकेँ टक्कर मारिकेँ खद्धामे पलटि गेल। स्थानीय लोक आ पीलामेडु अग्निशामक दल सुरक्षित निकालि कय अस्पताल पहुंचा देलक। सिंगनल्लूर पुलिस क्रेनक मददिसँ कारकेँ निकाललक आ दुर्घटनाक जांच शुरू कएक। जिलामे बारिशक कारण कतेको इलाकामे जलभराव आ यातायात बाधित अछि।
तमिलनाडुमे भारतीय मौसम विभाग कोयंबटूर, नीलगिरी क्षेत्र सभक लेल रेड अलर्ट आ चेन्नई, तिरुवल्लूर, कांचीपुरम क्षेत्र सभ लेल ऑरेंज अलर्ट जारी कएलक अछि। भारी वर्षा आ तूफानक कारण जलभराव, यातायातमे बाधा आ स्कूल-कॉलेज बंद अछि। मछुआराकेँ समुद्रमे नहि जयबाक सलाह देल गेल अछि। गुजरातक अरवल्ली जिला स्थित मोडासामे सेहो भीषण तूफान बर्बाद कय देलक। पड़ोसी राज्य राजस्थानक साकरिया गाममे 8-10 मिनट धरि चलल आंधीमे गाछी सभ खसल, बिजलीक खंभा उखड़ि गेल आ घर सभ केर सेहो बेसी नुकसान भेल। साकरिया स्टेशन पर सालो पुरान पीपरक गाछ खासि पड़ल, जाहिसँ बिजली आपूर्ति ठप भऽ गेल।
