बिहारमे ठनका खसलासँ एक दिनमे डेढ़ दर्जनसँ बेसी लोकक मृत्यु भs गेल। एहि ठाम मौसम विभाग पूर्वानुमान जारी कयलक अछि। जाहिमे अगिला दू दिनक मौसमक जानकारी अछि। राज्यक कतेको जिलामे बरखा आ कतेको जिलामे ठनका खसयकेँ संभावना अछि।
बिहार मौसम सेवा केंद्र द्वारा जारी मौसम पूर्वानुमानक अनुसार बिहारक बहुत जिलामे अगिला दू दिन तक बरखाक संभावना अछि। किशनगंज, अररिया, सुपौल, कटिहार, पूर्णिया, मधुबनी, मधेपुरा, सहरसा, दरभंगा, सीतामढ़ी, भागलपुर, पश्चिम चंपारण आ पूर्वी चंपारण जिलामे बहुत ठाम हल्कासँ मध्यम वर्षा भs सकैत अछि।
मौसम विभागक अनुसार गया, नवादा, सासाराम, औरंगाबाद, बक्सर, जमुई, बांका, मुंगेर, भागलपुर, लखीसराय, शेखपुरा, समस्तीपुर, पटना, जहानाबाद, अरवल, नालंदा, मुजफ्फरपुर, पूर्वी चंपारण, सीतामढ़ी, दरभंगा, सिवान, सारण, गोपालगंज, किशनगंज, अररिया, मधुबनी आ सुपौल जिलामे अगिला 24 घंटामे बरखा आ ठनका खसयकेँ संभावना अछि।
