गोपाल खेमका हत्याक मामिलाक संबंधमे आईजी जितेंद्र राणाक कहब छनि जे हम सब जल्दिये एहि मामिलाकेँ सुलझा लेब। घटनाक अंजाम देनिहारक बारेमे सेहो जानकारी भेटल अछि।
राजधानी पटनामे शुक्रक राति (04 जुलाई, 2025) मे उद्योगपति गोपाल खेमकाकेँ गोली मारि कय हत्या कय देल गेल। घटना गांधी मैदान थाना क्षेत्रमे भेल अछि। एहि सनसनीखेज घटनाक बाद एक दिसि कानून व्यवस्था पर सवाल उठि रहल अछि तऽ दोसर दिसि आईजी जितेन्द्र राणा पैघ दावा कयलनि अछि।
आईजी राणा कहलनि जे बहुत जल्दी हम सब एहि मामिलाक खुलासा करब। ओ कहलनि जे, घटना घटलाक तुरत बादसँ जांच चलि रहल अछि। घटनाक अंजाम देनिहारक बारेमे हमरा सबकेँ जानकारी भेटल अछि आ घटना कराबयवालाक बारेमे सेहो पूरा जानकारी भेटल अछि।
राणा कहलनि जे, हत्याक पाछुक कारणक जानकारी सेहो हमरा सबकेँ भेटल अछि। हम सब काजमे लागल छी। बहुत जल्द एकर खुलासा करब।
गांधी मैदान थाना देरीसँ पहुंचला पर ओ कहलनि जे इ मामिला हमरा नजरिमे आबि गेल अछि। हम एसएसपीसँ पूरा जानकारी लऽ कए एहिमे दोषी पाओल गेल पुलिसकर्मी पर कार्यवाही करबाक आदेश देलहुँ अछि।
दोसर दिसि एसएसपी कार्तिकेय कहलनि जे हम एहि मामिलाक जांच कऽ रहल छी। जतय तक गांधी मैदान थानाक देरीसँ पहुंचय केर बात अछि तऽ हम सब ओहि केर सेहो जांच कऽ रहल छी। हुनका (गोपाल खेमका) कंकड़बागक अस्पताल पहुंचाओल गेल।
कंकड़बाग थाना आ गांधी मैदान थानासँ सेहो पुलिस ओतय पहुंचल छल। हमरा सबकेँ जे जानकारी भेटल अछि ओकर अनुसार गांधी मैदान थानाक पुलिस सबसँ पहिने पहुंचल।
वर्तमानमे हम सब जांचमे लागल छी जे एहि हत्याक मामिलामे जे कियो दोषी अछि ओकर खिलाफ कार्यवाही करब। एकर बाद देखल जायत।
