भागलपुरक नव सुपर स्पेशियलिटी अस्पतालक उद्घाटन समारोहमे पूर्व केन्द्रीय मंत्री अश्विनी चौबेकेँ आमंत्रित नहिं कयल गेल। एहि पर ओ पत्र लिखि अपन नाराजगी व्यक्त कयलनि अछि।
पूर्व केन्द्रीय मंत्री अश्विनी चौबे बिहार स्वास्थ्य विभागक कार्यक्रममे निमंत्रण नहिं भेटला पर नाराजगी व्यक्त कयलनि अछि। ओ केन्द्रीय स्वास्थ्य मंत्री जेपी नड्डा आ बिहारक मुख्यमंत्री नीतीश कुमारकेँ पत्र लिखि ई नाराजगी व्यक्त कयलनि अछि। ओ कहलनि जे भागलपुरक नागरिक होयबाक बादो हमरा आमंत्रित नहिं कयल गेल, एकरा लेल बहुत दर्द अछि। खैर, समय बहुत बलवान होइत छैक।
वास्तवमे पूर्व केन्द्रीय मंत्री अश्विनी चौबेकेँ ०६ सितम्बरकेँ भागलपुरमे नव सुपर स्पेशियलिटी अस्पतालक उद्घाटन समारोहमे आमंत्रित नहिं कयल गेल। अश्विनी चौबे अपन पत्रमे लिखलनि जे “हमरा एहि पावन अवसर पर भागलपुरक नागरिकक रूपमे सेहो आमंत्रित नहिं कयल गेल, जाहि लेल हम बहुत दुखी छी।
आगू चिट्ठीमे ओ आधारशिला समारोह आ शिलापट्टक उल्लेख कयलनि अछि आ लिखने छथि जे हमरा दुख अछि जे उद्घाटन समारोहमे हमर नाम नहिं छल।
संगहि अश्विनी चौबे अपन फेसबुक पोस्टक माध्यमसँ इहो लिखलनि कि ई अस्पताल हमरे विशेष प्रयाससँ बनि सकल अछि। एतबे नहिं भागलपुरमे बनल एहि नव सुपर स्पेशियलिटी अस्पतालक बाहर अश्विनी चौबेक नामक एकटा होर्डिंग सेहो लगाओल गेल अछि, जाहिमे लिखल अछि जे अश्विनी चौबेक प्रयाससँ ई अस्पताल बनल अछि। एहिमे अश्विनी चौबेक बेटा अर्जित चौबे आ अन्य भाजपा नेता सभक चित्र लगाओल गेल अछि।
