काल्हि बृहस्पतिकें भारत-ब्रिटेन व्यापार आ आर्थिक संबंधक लेल ऐतिहासिक दिन छल। प्रधानमंत्री नरेंद्र मोदी आ हुनक ब्रिटिश समकक्ष कीर स्टारमर मुक्त व्यापार समझौता (एफटीए) पर हस्ताक्षर कयलनि, जाहिसॅं वार्षिक द्विपक्षीय व्यापारमे लगभग ३४ अरब डॉलरक बढ़ोत्तरी होयत। ई ऐतिहासिक मुक्त व्यापार समझौताक तहत भारत यूके केर ९० प्रतिशत उत्पाद पर फीसमे कटौती करत, जखनि कि यूकेसॅं भारतीय निर्यात केर ९९ प्रतिशत पर फीसमे कमी आबैवला अछि, जाहिसॅं सब क्षेत्रमे फीस आ नियामक प्रक्रियामे भारी कमी आबयवला अछि।
ब्रिटिश प्रधानमंत्री स्टारमर एक्स पर एगो पोस्टमे कहलनि कि भारतक संग हमर ऐतिहासिक व्यापार समझौता ब्रिटेन लेल एगो पैघ जीत अछि। ई पूरा ब्रिटेनमे हजारों रोजगार पैदा करत, व्यवसाय लेल नव अवसर खोलत आ देश केर हर कोनामे विकासकें तेज करत।”
एही समझौतासॅं भारतीय उपभोक्ता लेल स्कॉच व्हिस्की, जिन, लग्जरी कार, कॉस्मेटिक आ मेडिकल उपकरण जकाॅं अधिक किफायती आयातित सामान भेटत।
मुक्त व्यापार समझौताक संग भारतीय कृषि उत्पाद जर्मनी जकाॅं प्रमुख यूरोपीय निर्यातकक संग टैरिफ समानता प्राप्त करत। कपड़ा आ चमड़ा पर शून्य शुल्कसॅं भारत केर प्रतिस्पर्धामे बांग्लादेश आ कम्बोडिया जकाॅं क्षेत्रीय समकक्षसॅं प्रतिस्पर्धा बढ़य केर उम्मीद अछी।
एहि समझौताक संग अगिला दू सालमे यूके केर बाजारमे भारत केर लेदर सेक्टर केर हिस्सेदारीमे ५ प्रतिशतक बढ़ोत्तरीक उम्मीद अछि ।
अनुमानक अनुसार 2030 धरि इलेक्ट्रॉनिक्स आ इंजीनियरिंग निर्यात दुगुना होबय केर संभावना अछि, जखनि कि अगिला तीन सालमे रत्न आ गहना निर्यात दुगुना होबय केर संभावना अछि (वर्तमानमे 941 मिलियन डॉलर) ।
अधिकारी सबकेँ अनुमान अछि कि एहि समझौतासॅं भारतमे यूके केर निर्यातमे दीर्घकालमे लगभग 60 प्रतिशतक बढ़ोत्तरी होयत।
एहिसॅं पहिने प्रधानमंत्री मोदी चेकर्स एस्टेटमे स्टारमरसॅं भेंट कयलनि आ ब्रिटेनक चारिम यात्रा पर एकटा आधिकारिक कार्यक्रम शुरू कयलनि।
