मृतक नृत्यांगनाक माँ नजमा खातून कहलनि कि प्रभात सिंह नामक व्यक्तिसँ नृत्यक लेल बुकिंग कराएल गेल छल। कोनो बात पर हुनकासँ विवाद भेल छल।
बिहारमे कोनो हर्षक अवसर पर हर्ष फायरिंग होयब आम बात भ’ गेल अछि। कार्यक्रम सभमे एहि तरहसँ गोली चललासँ कतेको लोक अपन जान गँवा चुकल छथि। एक बेर फिर दरभंगामे एहेने एकटा हर्षक अवसर पर भेल हर्ष फायरिंगमे एकटा नृत्यांगना शुक्रकेँ गोली लगलासँ दम तोड़ि देलन्हि। घटना जाले थाना क्षेत्रक जोगियारा गामक अछि।
बताओल जाइत अछि कि जोगियारा गाममे राम विनय सिंहक घर शादीसँ पहिने हल्दी मेहँदी केर कार्यक्रम छल, जाहिमे चारिटा नृत्यांगनाकेँ मुजफ्फरपुरसँ बजाओल गेल छल। एहि प्रोग्रामक दौरान हर्ष फायरिंगमे एकटा नृत्यांगनाक पेटमे गोली लागि गेल आ हुनक मौका पर मृत्यु भ’ गेल। मृतक नृत्यांगनाक पहिचान मुजफ्फरपुर जिलाक मिठनपुरा थाना क्षेत्रक निवासी शानू खान केर रूपमे कएल गेल अछि।
