भारी मतदान, 5 बजे धरि असममे 84•4%, केरलममे 75% आ पुडुचेरीमे 86•9 प्रतिशत
नई दिल्ली । समदिया
देशक तीन मुख्य राज्य आ केंद्रशासित प्रदेशमे काल्हि विधानसभा चुनावक लेल मतदान भेल। असम, केरला आ पुडुचेरीमे एके चरणमे मतदान भऽ रहल अछि, जे साँझ 6 बजे तक चलत।
देशक तीन राज्य असम, केरला आ पुडुचेरीमे काल्हि विधानसभा चुनावक लेल मतदान भेल। मतदान प्रातः 7 बजे शुरू भेल। एहि दौरान मतदाता साँझ 6 बजे तक अपन मतक प्रयोग कऽ सकैत छलथि। तीनू राज्यमे चुनाव प्रचारक लेल सभ राजनीतिक दल अपन पूरा ताकत लगौलक। सभ उम्मीदवारक फैसला आब जनताक हाथमे अछि। तीनू राज्यमे निष्पक्ष चुनाव करबाक लेल चुनाव आयोग हर मतदान केंद्र पर सुरक्षाक कड़ा इंतजाम कएने छल।
एहि बेर विधानसभा चुनावमे पैघ संख्यामे युवा मतदाता पहिल बेर अपन मताधिकारक प्रयोग कयलथि। सभ दल अपन-अपन जीतक दाबी कऽ रहल अछि। मुदा 4 मईकेँ वोटक गिनती केर बाद तय होयत जे कुन राज्यमे कून पार्टीकेँ सत्ताक चाबी भेटत।
जनतब जे असम, केरल आओर पुडुचेरीमे एक संग मतदान भेल। तीनु राज्यमे कुल 296 विधानसभा सीट अछि। एहिमे असमक 126, केरलक 140 आओर पुडुचेरीक 30 सीट शामिल अछि।
असममे बोडोलैंड प्रादेशिक परिषदक मुख्य कार्यकारी सदस्य हाग्रामा मोहिलारी वोट देने छथि। एहि बीच असममे बोडोलैंड प्रादेशिक परिषद (बीटीसी)क मुख्य कार्यकारी सदस्य (सीईएम) हाग्रामा मोहिलारी सेहो मतदान कएलथि। मतदानक बाद ओ कहलथि, “हमर वोट हम देलहुँ। हम विभिन्न समुदायक लोकसँ बातचीत केलहुँ आओर ओ सभ हमरा (एनडीए) संग छथि।” हम अपन 90 प्रतिशतक लक्ष्य धरि पहुँचवामे सफल होयब।
केरळक मुख्य निर्वाचन अधिकारी, रतन यू केलकरक अनुसार, “केरलमे रुझानक अनुसार हमरा पूर्ण आशा अछि जे हम अपन 90 प्रतिशतक लक्ष्य धरि पहुँचवामें सफल होयब। हुनका ई उम्मीद अछि जे हम अपन लक्ष्य प्राप्त क’ लेब। एहि बेर प्रथम बेर मतदान करयवालाक पैघ संख्या अछि। वोटर लिस्टमे 4.6 लाख एहेन मतदाता अछि जे प्रथम बेर वोटिंग कऽ रहल अछि।
