आरजेडी नेता तेजस्वी यादव पटनामे आयोजित ‘अति पिछड़ा जगाओ रैली’केँ संबोधन करैत लोकसँ 20 वर्ष पुरान एनडीए सरकारकेँ बदलबाक आह्वान कयलनि आ वर्त्तमान बिहार सरकारकेँ ‘खटारा गाड़ी’ कहलनि। एहि दौरान हुनका द्वारा वादा कएल गेल जे नव सरकार अति पिछड़ा समाजक विकास करत आ अपनेक नौकरी आ अपनेक सुरक्षाक जिम्मेदारी हमर होयत। ओ कहलनि जे हमर उम्र भलेहि कच्चा अछि, मुदा जुबान नहि।
बिहारमे एहि वर्ष विधानसभा चुनाव होबय जा रहल अछि, एहेनमे सभ राजनीतिक दल तैयारीमे जुटल अछि। रैलीमे तेजस्वी यादव मुख्यमंत्री नीतीश कुमार, प्रधानमंत्री नरेंद्र मोदी आओर बीजेपी-आरएसएस पर जोरदार हमला कएलनि। ओ कहलनि कि मौजूदा सरकार जे 20 सालसँ चलि रहल अछि, ओकरा बदलबाक अछि आओर राज्यमे परिवर्तन करबाक अछि।
ओ कहलनि कि हमर सरकार बनएबाक अछि ताकि अतिपिछड़ाकेँ लड़ाई लड़ि सकी आओर हुनका हक दिला सकी। राज्यमे अपराध आओर भ्रष्टाचारक मुद्दा पर तेजस्वी प्रदेश सरकार पर हमला करैत कहलनि कि नीतीश कुमार आओर बीजेपीक राजमे थानासँ लऽ कऽ ब्लॉकमे बिना घूसखोरीक कोनो काज नहि होइछ।
ओ कहलनि कि बिहारमे अपराध चरम पर अछि। ओ लोगसँ अपील करैत कहलनि कि हमरा मौका दियौ, अपराध आओर भ्रष्टाचार कयनिहार जेलक हवा खाएत।
आरजेडी नेता कहलनि कि खटारा गाड़ी 15 सालसँ अधिक अनुमति नहि दैत अछि तँ फेर 20 साल पुरान सरकार हम कियैक चला रहल छी। ओ कहलनि आब समय आबि गेल अछि नवका बीज रोपय केर, जाहिसँ फसल नीक होय। नेता कहलनि कि बिहारमे शराबबंदी अछि, मुदा पुलिस प्रशासन तँ शराब बेचयमे लागल अछि। ओ कहलनि कि एहिठाम प्रशासन गरीब केर उपर डंडा चलबैत अछि।
एकर संगे ओ कहलनि जे नीतीश कुमारकेँ हमसभ बनेलौं, मुदा बीजेपी हुनका हाइजैक कएने अछि। दु-चारि लोक मिलिकऽ सरकार चला रहल अछि। ओ कहलनि जे जनता दल यूनाइटेड समाजवादी पार्टी नहि रहल अछि। नीतीश कुमार संविधान विरोधी लोकनिक संग छथि, ओ कहलनि जे अतिपिछड़ा समाजक लोक सभकेँ कोनो नीक मंत्रालय नहि भेटल अछि। नीतीश कुमार अतिपिछड़ा समाजकेँ ठगबाक काज कएलनि, हुनकर शोषण कएलनि। तेजस्वी कहलनि जे नीतीश कुमारक नेता सभक बीजेपी संग सेटिंग बनल अछि। नीतीश कुमारक चेहरा पर चुनाव लड़ल जायत आ बादमे बीजेपी की करत से सब जनैत अछि।
जाति जनगणनाक मुद्दा उठबैत आरजेडी नेता कहलनि जे हमर सबहक मांग आ हमर दबाव पर सरकारकेँ ई मांग मानय पड़ल। ओ कहलनि जे आबय बला चुनावमे अतिपिछड़ा समाजकेँ पहिनेसँ बेसी टिकट देल जायत। ओ कहलनि जे लालू यादव अतिपिछड़ा समाजक लोककेँ ताकत देलनि। पहिने अतिपिछड़ा समाज पर अत्याचार कएल जाइत छल। ओ कहलनि जे जखनि हुनक सरकार आयत तऽ ओ अतिपिछड़ा समाजक लेल एहेन काज करताह जे कल्पनासँ परे हेतै।
