राज्यपाल आचार्य 32 असम राइफल्स जवानक अनुकरणीय सेवाक लेल प्रदान कयलनि यूनिट प्रशंसापत्र

असम समदिया
*

गुवाहाटी राजभवनमे आयोजित एकटा विशेष समारोहमे असमक राज्यपाल लक्ष्मण प्रसाद आचार्य असम राइफल्सक 32म बटालियनकेँ 1 नवम्बर 2022 सँ आई तक राज्यमे तैनातीक दौरान हुनकर अनुकरणीय सेवा आ अटूट प्रतिबद्धताक सम्मानमे यूनिट प्रशंसा पत्र प्रदान कयलनि।

परिचालन आ प्रशासनिक दुनू क्षेत्रमे उत्कृष्ट प्रदर्शन लेल सम्मानित 32 असम राइफल्सक हाफलोंगमे अपन कार्यकालक दौरान सर्वांगीण उत्कृष्टता आ दृढ़ अनुशासन आओर मानवीय योगदान लेल प्रशंसा काएल गेल।

सभाकेँ संबोधित करैत राज्यपाल हुनकर विशिष्ट विरासत आ कतेको महत्वपूर्ण अभियानमे सफलताक लगातार रिकॉर्डक लेल प्रशंसा कयलनि। राज्यपाल कहलनि जे 32 असम राइफल्स नहिं केवल सैन्य ताकतक स्तंभ छथि बल्कि मानवता सेवा आ करुणाक प्रतीक सेहो अछि। शांति कायम राखय, नागरिकक सहायता आ दूरदराजक क्षेत्रमे शिक्षा आ विकास पहलक समर्थन करयमे हुनकर भूमिका सही मायनेमे सराहनीय अछि।

नागरिक प्रयास खास कऽ कैरियर मार्गदर्शन, छात्रवृत्ति कार्यक्रम आ कौशल विकास पहलक माध्यमसँ युवा लोकनिक सशक्त बनाबै केर पहलक सराहना करैत राज्यपाल कहलनि जे असम राइफल्स मानवताक उदाहरण अछि। राज्यपाल कहलनि जे असम राइफल्सक जवानक जिम्मेदारी अछि कि ओ असम राइफल्सक विरासतक समृद्ध करैथ जे देशक सबसं पुरान अर्धसैनिक बलमे सँ एक अछि।

कार्यक्रमक दौरान कमांडेंट कर्नल जी.पी. सिंह, राज्यपालक ओएसडी प्रो . बेचन लाल, सूबेदार मेजर एल श्याम सिंह, बटालियनक अधिकारी आ जवान आओर राजभवनक अधिकारी लोकनि उपस्थित छलाह।