पीड़िताक पिता अपन लिखित शिकायतमे अपन बयान दर्ज करबैत कहलनि कि हुनकर १३ सालक बेटी २२ फरवरीक साँझ लगभग साढ़े सात बजे अपन घरसँ गामक अवधेश साहुक किराना दुकान गेल छलीह। एहि बीच गामक तीन गोट युवक जाहिमे सतेन्द्र यादवक पुत्र २५ वर्षीय दीपक कुमार, रिकेश कुमार उर्फ किशन कुमार आ सोनू कुमार पुत्र जितेन्द्र यादव मोटरसाइकिल बीआर ०१पीएफ ८४६४ सँ ओकर मुँह बान्हि जबरदस्ती सोन नदीक तट पर लऽ गेल आ हमर बेटी संग बलात्कार कयलक।
घटनाक सूचना भेटलाक बाद पटना पुलिस मामिलाक गंभीरता देखैत तत्काल संज्ञान लेलक आ पटना वेस्ट सिटी एसपी पालीगंज डीएसपीक नेतृत्वमे एकटा टीमक गठन कयलक, जाहिमे थाना प्रभारी प्रमोद कुमार आ अन्य अधिकारी शामिल छलाह। एहि घटनाक तीन आरोपीमे सँ दूटा आरोपी सत्येन्द्र यादवक बेटा दीपक कुमार आ राकेश कुमार उर्फ किशन कुमारकेँ गिरफ्तार कए न्यायिक हिरासतमे भेज देल गेल अछि, जखन कि पुलिस तेसर आरोपी जितेन्द्र यादवक बेटा सोनू कुमारकेँ विभिन्न जगह पर छापा मारि गिरफ्तार करबाक प्रयास कऽ रहल अछि। पुलिसक दावा अछि जे ओ जल्दिये तेसर आरोपीकेँ गिरफ्तार कय लेत।
पटना जिलाक पालीगंज अनुमंडलक रानी तालाब थाना क्षेत्रक जीतन छपरा गाममे शनिदिन देर साँझ गामक तीन युवक मोटरसाइकिल पर एकटा १३ वर्षक बालिकाक कथित अपहरण कऽ लेलक। ओकर बाद ओ सभ हुनका सोन नदीक दियारा क्षेत्रमे लऽ गेल आ सामूहिक बलात्कारक घटना अंजाम देलक।
जनतब देब जे अपहरण तखनि भेल जखनि लड़की घरसँ गामक किरानाक दोकान पर किरानाक सामान किनबाक लेल गेल छलीह। एम्हर साँझ लगभग ७.३० बजे गामक तीनटा युवक जे पहिनेसँ लड़कीक प्रतीक्षा कऽ रहल छल। अगिला दिन पीड़िताक पिता गामक तीन युवकक खिलाफ सामूहिक बलात्कार’क आरोपमे पुलिस स्टेशनमे लिखित शिकायत दर्ज करौलनि।
