बिहारक सिपाही भर्ती परीक्षा मामिलामे बिहारक पूर्व डीजीपी एसके सिंघलक परेशानी बढ़य जा रहल अछि। ईओयू पूर्व डीजीपीक खिलाफ कारवाई करबाक लेल रिपोर्ट पठौलक अछि। एहि मामिलामे चयन बोर्डक तत्कालीन अध्यक्षक नाम सेहो भेजल गेल अछि।
बिहारमे सिपाही भर्ती परीक्षाक पेपर लीक मामिलामे बिहारक पूर्व डीजीपी एसके सिंघलकेँ ईओयू दोषी ठहरा देलक अछि। जाञ्चक बाद ईओयू सिंघलकेँ दोषी ठहरौलक अछि आ हुनक विरुद्ध कारवाईक सिफारिश कयलक अछि। एकर बाद डीजीपी आ तत्कालीन अध्यक्षक कठिनाई बढ़य जा रहल अछि।
ईओयूक एडीजी नैयर खान एहि संबंधमे डीजीपीकेँ पत्र पठौलनि अछि। ईओयूक तरफसँ कोर्टमे दाखिल चार्जशीटमे एकटा पैघ बात कहल गेल अछि। एहिमे कहल गेल अछि जे बिहारक पूर्व डीजीपी आ केन्द्रीय चयन परिषद, सिपाही भर्तीक तत्कालीन अध्यक्ष एसके सिंघल पेपर लीक करबाक लेल भारी राशि लेने छथि। ई पाइ प्रिंटिंग प्रेसक मालिकसँ कमीशनक रूपमे लेल गेल अछि। आईओयू द्वारा अदालतमे दाखिल आरोपपत्रमे एकर पूरा उल्लेख कयल गेल अछि।
१ अक्टूबर २०२३ केँ राज्यमे सिपाहीक २१ हजारसँ बेसी पदक बहालीक लेल परीक्षा आयोजित कयल गेल छल। परीक्षा शुरू होयबासँ ठीक पहिने प्रश्न पत्र वायरल भऽ गेल छल। पूरा मामिलाक जाँच करबाक लेल ३१ अक्टूबर २०२३ केँ ईओयूक डीआईजी मानवजीत सिंह ढिल्लोक नेतृत्वमे २२ सदस्यीय एसआईटीक गठन कयल गेल छल। एस के सिंघल एक कोठरीमे चलबयवाला प्रिंटिंग प्रेस ‘कालटेक्स मल्टीवेंचर’केँ बिना भौतिक सत्यापनक प्रश्न पत्र छापबाक लेल १०% कमीशन लऽ कऽ ठेका देने छलाह। एहि संबंधमे ईओयू एसके सिंघलसँ पहिनेसँ पूछताछ कऽ चुकल अछि।
ईओयू सिंघलक जवाबसँ संतुष्ट नहिं अछि। एकर अतिरिक्त ब्लेसिंग सेक्सयोरक निदेशक कौशिक कर आ कालटेक्सक निदेशक सौरभ बंदोपाध्याय अपन वक्तव्यमे स्वीकार कयलनि अछि जे २०२२ मे मद्य निषेध सैनिक भर्तीक विज्ञापन निकलल छल। तखनि दुनू तत्कालीन अध्यक्षसँ भेंट कयने छलथि। अनुबंध कंपनी कालटेक्स केर एहि शर्त पर देल गेल छल जे हमरा १०% कमीशन देबय पड़त। डीजीपी बंगलाक पिछला गेट पर कमीशनक रकम देल गेल। तत्कालीन अध्यक्ष कालटेक्सक संग एक सालक करार कयलक।
