बाढ़ि पीड़ित परिवारक खातामे सीएम नीतीश भेजलनि 456 करोड़ रुपया

*
पटना समदिया -> जनसरोकार
*
मुख्यमंत्री हालमे अनुग्रह सहायता राशिकेँ 6,000 रुपयासँ बढ़ि कय 7,000 रुपये प्रति परिवार करय केर घोषणा कयने छलथि। अब एहिसँ बाढ़ प्रभावित लोककेँ किछु राहत भेटत।

बिहारक मुख्यमंत्री नीतीश कुमार बुधदिन हालिया बाढ़िसँ प्रभावित 6.51 लाखसँ बेसी परिवारक बैंक खातामे सीधा 456 करोड़ रुपयासँ बेसी केर राशि हस्तांतरित कयलनि। मुख्यमंत्री कार्यालय (सीएमओ) केर जरिए जारी एक बयानक अनुसार, प्रत्येक बाढ़ि पीड़ित परिवारकेँ 7,000 रुपया केर अनुग्रह सहायता राशि प्रदान कयल गेल अछि।

ई राशि पटना स्थित मुख्यमंत्रीक आधिकारिक आवास पर आयोजित एकटा कार्यक्रमक दौरान खातामे हस्तांतरित कयल गेल। बयानमे कहल गेल, “कुल 456.12 करोड़ रुपयाक राशि 12 जिलाक 6,51,602 बाढ़ि प्रभावित परिवारक बैंक खातामे सीधे हस्तांतरित कयल गेल।”

बाढ़िसँ प्रभावित जिलामे भोजपुर, पटना, सारण, वैशाली, समस्तीपुर, बेगूसराय, लखीसराय, मुंगेर, खगड़िया, भागलपुर आ कटिहार शामिल अछि। मुख्यमंत्री अधिकारीकेँ निर्देश देलनि कि सितंबरमे संभावित बारिशकेँ देखैत सतर्क रहय।

मुख्यमंत्री हालमे अनुग्रह सहायता राशि केँ 6,000 रुपया सँ बढ़ाकर 7,000 रुपये प्रति परिवार करय केर घोषणा कयलनि। मुख्यमंत्री बाढ़िग्रस्त इलाकाक हवाई सर्वेक्षण करय केर बाद पटनामे एकटा कार्यक्रमक दौरान राहत राशिक वितरणक घोषणा कयने छलथि।

अधिकारीक अनुसार, बीतल 24 घंटामे भेल भारी बारिशक कारण कतेको नदि उफान पर हेबासँ राज्यक अनेक हिस्सामे बाढ़ि केर स्थिति उत्पन्न भऽ गेल अछि। ओ जानकारी देलनि की कुल 6,51,602 परिवारकेँ 456 करोड़ 12 लाख रुपयाक सहायता राशि भेजल गेल।

जनतब दी जे पिछला किछु दिनमे भेल भारी बारिश केर कारण बिहारक कतेको नदी उफान पर अछि। एहिसँ आस-पासक इलाकामे बाढ़ि जँका हालात पैद भऽ गेल अछि।