केन्द्रीय राज्य मंत्री रवनीत सिंह बिट्टूक विरुद्ध कांग्रेस नेता द्वारा राहुल गाँधीक विरुद्ध टिप्पणी करबाक लेल प्राथमिकी दर्ज कयल गेल अछि। राहुल गाँधी अमेरिका दौरापर सिखक विषयमे एकटा बयान देने छलाह, जाहि पर रवनीत बिट्टू हुनका आतंकवादी कहलनि। एहि पर खूब हंगामा भेल आ कर्नाटकमे रवनीत बिट्टूक खिलाफ मामिला दर्ज कयल गेल अछि।
कर्नाटकक एकटा कांग्रेसी अधिकारी केंद्रीय रेल राज्य मंत्री रवनीत सिंह बिट्टूक खिलाफ प्राथमिकी दर्ज कयलनि अछि। पुलिस अधिकारी बतौलनि जे भारतीय दंड संहिताक धारा ३५३ (गलत सूचनाक आधार पर बयान देब वा अफवाह पसारब), १९२ (दंगा भड़काबयक इरादासँ भड़काउ बयान), १९६ (दू समुदायक बीच वैमनस्यता पसारब) केर तहत बेंगलुरुक हाई ग्राउंड पुलिस स्टेशनमे मामिला दर्ज कयल गेल अछि।
मीडिया द्वारा बिट्टूसँ पूछल गेल जे की हुनका राहुल गाँधीक विरुद्ध अपन बयानपर खेद छनि। त रवनीत बिट्टू कहलनि जे ‘हमरा किएक खेद होएत ? हम पंजाबमे एकटा पूरा पीढ़ीकेँ खो देलहुं। गाँधी परिवार पंजाबकेँ जरा देलक। हमर दर्द सिखक रूपमे अछि। हम बादमे मंत्री छी, मुदा पहिने एकटा सिख छी। जँ पन्नू राहुल गाँधीक बयानक समर्थन करैत अछि तखन आब अहाँ की कहि सकैत छी ?”
