चुनाव

सीएम फेस आ सीट शेयरिंग पर फँसल पेंच, मुकेश सहनी महागठबंधनक बैसारसँ दुर

पटना समदिया
*

महागठबंधनक बैसारमे केवल पुरान मुद्दा पर चर्चा भेल। कतेको घंटाक बैसारक बाद सेहो सीएम फेस आ सीट बंटवारा पर फैसला नहि भऽ सकल। बैसारमे वीआईपीक मुकेश साहनी नहिं भाग लेलनि।

बिहार चुनावक संबंधमे महागठबंधनक सातम बैसार बुधदिन सुखद माहौलमे समाप्त भेल, मुदा काल्हि सेहो सिर्फ सीट बंटवारा पर चर्चा भेल, कोनो फैसला नहि भेल आ नहि तँ सीएम फेसक लेल कोनो घोषणा भेल। बैसारक बाद बिहार कांग्रेस प्रभारी कृष्ण अल्लावरू सीएम चेहराक सवालकेँ टाललनि।

बैसारमे मात्र पुरान मुद्दा पर चर्चा भेल। कतेको घंटाक बैसारक बाद सेहो सीएम फेस आ सीट बंटवारा पर फैसला नहि भऽ सकल।

गठबंधनक सब दलक नेता बैसारमे शामिल भेलाह, तथापि मुकेश सहनी गायब छलाह। वीआईपी प्रदेश अध्यक्ष बाल मुकुंद कहलनि जे 60 सीटक हमर अपन फैसला अछि, मुदा के कतेक सीट पर चुनाव लड़त से फैसला महागठबंधन करत।

एहेन बुझाइत अछि जे तेजस्वी यादव लेल महागठबंधनमे अपन उम्मीद पूरा करब आसान नहि अछि। उप-सीएम पदक संग-संग सहनी 60 सीट पर चुनाव लड़बाक मांग सेहो कयलनि अछि। ओ एकरा अपन पहिल एजेंडा बतेने छथि। बुधदिन महागठबंधन बैसारमे हुनका नहि देखल गेल, ओ एखनि दिल्लीमे छथि। कुल मिला कय महागठबंधनमे चुनावी रणनीति केवल सत्ताधारी दलकेँ कोनामे उतारबा धरि सीमित अछि, सीटक संबंधमे जे रणनीति बनेबाक अछि, ओकरा लेल एखनो समय अछि।

संगहि बैसारमे निश्चित रूपसँ निर्णय लेल गेल जे रक्षाबंधनक बाद महागठबंधनक नेता पूरा बिहारमे जनताक बीच जेताह। सब 9 डिवीजनमे रैली होयत। बिहारक मुद्दा, जनताक मुद्दाक संग लोकक बीच जाएत। एहिमे राहुल गांधी सेहो शामिल हेताह। एसआईआरक नाम पर वोट चोरी भऽ गेल। मतदाता सूचीसँ नाम हटा देल गेल, कानून व्यवस्थामे गड़बड़ी अछि, पलायन, बेरोजगारी आ गरीबी सबसँ आगू अछि। ई सब मुद्दा जनताक सामने राखल जायत।

Spread the love