गृह विज्ञान विभागमे फेल-पासक गेम चलि रहल, आंतरिक परीक्षामे 2 स 5 अंक भेटल

दरभंगा समदिया
*

ललित नारायण मिथिला विश्वविद्यालयक स्नातकोत्तर गृह विज्ञान विभाग आइ-काल्हि फेल-पासक खेल खेलि रहल अछि। विभागक छात्र लोकनि शिक्षकसभ पर आन्तरिक मूल्यांकनमे अनियमितताक आरोप लगओलनि अछि। आरोप अछि जे आन्तरिक परीक्षामे जानिबूझि कऽ मात्र शून्यसँ १० अंक देल जा रहल अछि। पीजी दोसर सेमेस्टर सत्र २०२२-२४ केर छात्र लोकनि आरोप लगओलनि जे लिखित परीक्षामे हुनका नीक अंक भेटलनि, मुदा शिक्षक आंतरिक मूल्यांकनमे बहुत कम अंक देलनि। आन्तरिक परीक्षामे चारि दर्जनसँ बेसी छात्रा अनुत्तीर्ण भेल छलीह। ११ अप्रैलकेँ परिणाम प्रकाशित भेलाक बाद जखन छात्रसभकेँ पता चलल जे ३० अंकक आन्तरिक परीक्षामे किछुकेँ शून्य भेटल आ किछुकेँ एकसँ दू अंक भेटल। त छात्र-छात्रामे आक्रोश छल। असफल छात्र सभ विभागक किछु शिक्षकपर आंतरिक मूल्यांकनमे जानिबूझि कऽ कम अंक देबाक आरोप लगओलनि (३० अंकक उपस्थिति, प्रोजेक्ट कार्य आदि)। एकर बाद मामिलामे तूल पकड़लक। शिकायत कुलपति लग पहुँचल। सभ छात्र कुलपति लग पहुँचल। तखन परीक्षा नियंत्रककेँ एहि मामिलाकेँ देखबाक लेल कहल गेल। एकर बाद सम्बन्धित छात्रसभकेँ ओही आन्तरिक परीक्षा उत्तीर्ण कऽ परीक्षा फार्म भरबाक अनुमति देल गेल। गृह विज्ञान विभागक छात्रलोकनि कहलनि जे आन्तरिक परीक्षामे कम अंक देबाक ई पहिल मामिला नहिं अछि, ई पछिला कतेको परीक्षासँ भऽ रहल अछि। ओ कहलनि जे विभागीय शिक्षक जानिबूझि कए आंतरिक परीक्षामे फेल कऽ रहल छथि। जँ हम गलत नहिं छलहुं तखन कोन आधार पर ओ फेरसँ दोबारा पास भेल ? आब एहन शिक्षकक खिलाफ कारवाई होए केर चाही। हुनका मूल्यांकन कार्यसँ वंचित राखल जयबाक चाही।