महाराष्ट्र विधानसभा चुनावक संबंधमे कांग्रेसक नेता राहुल गांधीक “मैच फिक्सिंग” केर आरोपकेँ चुनाव आयोग द्वारा खारिज कय देल गेल अछि। आयोग ई स्पष्ट करय लेल एकटा आधिकारिक बयान जारी कयलक कि चुनावी प्रक्रिया पूर्ण रूपेन पारदर्शी, निष्पक्ष आ संवैधानिक भेल आओर राहुल गांधीक आरोप तथ्यहीन अछि।
राहुल गांधी हालमे दावा कयलनि कि महाराष्ट्रमे चुनावी प्रक्रियामे गड़बड़ी भेल आ आखिरी दू घंटामे “सामान्यतः अधिक मतदान” भेल, ओ एकरा “मैच फिक्सिंग” कहलनि।
एही पर प्रतिक्रिया दैत आयोग कहलक कि मतदान, गिनती आ मतदाता सूची केर जनप्रतिनिधित्व अधिनियम, 1950 आ निर्वाचक रजिस्ट्रीकरण नियम, 1960 प्रक्रियाक अनुसार कयल गेल अछि।
चुनाव आयोग कांग्रेसक आरोपक आंकड़ाक संग खारिज कय कहलक कि कुल ६,४०,८७,५८८ मतदाता ७ बजेसँ ६ बजे धरि अपन मतदान कयलनि । एहि औसतसँ हर घंटा करीब 58 लाख वोट भेल छल आ पिछला दू घंटामे 116 लाख धरि वोटक पूरा संभावना छल। एहेन स्थितिमे गणितीय आ तार्किक रूपसँ ई गलत अछि जे 6.5 करोड़ वोटकेँ “असामान्य” कहल जाए।
आयोग कहलक कि सभ केंद्र पर राजनीतिक दल आ उम्मीदवारक एजेंटक उपस्थितिमे मतदान भेल, आ कोनो पार्टी मतदान केर दौरान कोनो आपत्ति नहिं कयलक।
आयोग मतदाता सूचीक बारेमे उठायल गेलऽ सवालक स्थिति सेहो स्पष्ट कयलक। 9.77 करोड़सँ बेसी मतदाताकेँ शामिल कयल गेल। अंतिम मतदाता सूची आयोगक अनुसार सब राजनीतिक दलकेँ समय पर उपलब्ध करा देल गेल। जिला मजिस्ट्रेट आ राज्य चुनाव अधिकारीक समक्ष सूचीक संबंधमे मात्र ८९ शिकायत दर्ज कयल गेल छलै, जकरा नियमक अनुसार निपटारा कयल गेल छल।
आयोग ई बात दोहरैलकै कि भारतमे चुनाव प्रक्रिया केर निष्पक्षता आ पारदर्शिता सर्वोपरि छै आ बिना सबूतक आरोप लोकतांत्रिक संस्थानक गरिमाकेँ नुकसान पहुँचायब छै।
