सोनीपतक कुंडली स्थित निफ्टम संस्थानमे शुक्रदिन पहुँचल केंद्रीय मंत्री चिराग पासवान पहलगाममे भेल आतंकी घटना पर प्रतिक्रिया दैत कहलन्हि जे एहि घटना केर जतबा निंदा कएल जायत, ओ कम अछि, पाकिस्तानकेँ हुनकहि शब्दमे करारा उत्तर देल जायत। हम खूनक एक-एक बूँद केर हिसाब पाकिस्तानमे बइठल आतंकक आकाकसँ हुनकहि भाषामे लेब। पाकिस्तान एक-एक बूँद पानि लेल तरसत।
ओ आगू कहलनि कि प्रधानमंत्री नरेंद्र मोदी जल संधि खत्म कऽ कऽ पाकिस्तानकेँ करारा जवाब देलनि अछि। हमर देशक छह नदिकेँ 80 प्रतिशत पानि ओहिठाम जाइत छल। हमर उदारताकेँ पाकिस्तान नहि बुझि सकल। आब एक-एक बूंद लेल पाकिस्तान तरसत। एक-एक बूंद खूनक हिसाब पाकिस्तानसँ लेब। पहिने सेहो हम अपन जवानक शहादतक बदला लेने छी।
दरअसल पूरा भारतमे आतंकक खिलाफ पैघ कार्यवाहीक मांग उठय लागल अछि। प्रधानमंत्री नरेंद्र मोदीक नेतृत्वमे सरकार कड़ा फैसला सेहो पाकिस्तानक खिलाफ लेने अछि, जकरा बाद पाकिस्तानक बेचैनी बढ़ैत देखल जा रहल अछि। सिंधु जल संधिकेँ खत्म करबाक पैघ फैसला लेने अछि। ओकर अलावा चारि अन्य कड़ा फैसला पाकिस्तानक खिलाफ भारत सरकारक कूटनीतिक चर्चा द्वारा भेल अछि।
मंत्री चिराग पासवान बिहारक राजनीति आ आगामी चुनावक लेल अपन पार्टीक रूपरेखा स्पष्ट कएलन्हि। बिहार चुनावमे मुख्यमंत्रीक चेहरा पर चिराग पासवान कहलनि की हम राजनीतिमे बिहारक लेल आएल छी, पहिने बिहारी आ बिहार हमर प्राथमिकता अछि। एखनि मुख्यमंत्रीक बारेमे नहि सोचने छी, मुदा बिहारमे मुख्यमंत्रीक लेल कोनो वैकेंसी नहि अछि। बिहारमे रोजगार आ मूलभूत सुविधाक आभाव नहि होइ ताहि लेल बिहारक राजनीति करब हमर मकसद अछि। बिहारमे एही बेर बहुमतसँ एनडीए सरकार बनय जा रहल अछि, हम अपनाकेँ बेसी दिनक लेल केंद्रक राजनीतिमे नहि देखि रहल छी।
सोनीपत कुंडली स्थित निफ्टम संस्थानमे केंद्रीय मंत्री चिराग पासवान निफ्टम संस्थानक बिषयमे जोरदार प्रशंसा कयलनि आ कहलनि कि हम केंद्र सरकार संग-संग देशक प्रधानमंत्री नरेंद्र मोदीक सेहो धन्यवाद दैत छी जे देशमे एकटा आर निफ्टम संस्थान खोलबाक मंजूरी देल गेल अछि। एहेन केन्द्र देशमे फूड प्रोसेसिंगमे नव आयाम स्थापित करैत अछि। सुलफाम नामसँ आयोजित कार्यक्रममे नव-नव स्टार्टअप आयल अछि, जे अत्यंत शानदार अछि आ हम निफ्टम संस्थानक अधिकारी लोकनिक प्रशंसा करय चाहैत छी।
