महाकुम्भ उत्तर प्रदेशक प्रयागराजमे चलि रहल अछि। लाखो लोक ओहिठाम आबि रहल छथि। लोक महाकुम्भ मेलामे सड़क, रेल आ हवाई मार्गसँ यात्रा कऽ रहल छथि। एम्हर समाजवादी पार्टीक राष्ट्रीय अध्यक्ष आ उत्तर प्रदेशक पूर्व मुख्यमंत्री अखिलेश यादव योगी सरकारसँ महत्वपूर्ण मांग कयलनि अछि।
पूर्व मुख्यमंत्री अखिलेश यादव रविकेँ महाकुंभक दौरान यातायात जामक संकटसँ उबरबाक लेल आ यात्राक बाधा दूर करबाक लेल सरकारकेँ राज्यमे वाहन टोल फ्री करबाक सलाह देलनि अछि। सपा प्रमुख सोशल मीडिया प्लेटफॉर्म ‘एक्स’ पर एकटा पोस्टमे लिखलनि, “महाकुंभक अवसर पर उत्तर प्रदेशमे वाहनकेँ टोल फ्री बनाबयक चाही। एहिसँ यात्राक बाधा कम होयत आ यातायात जामक संकट सेहो कम होयत।”
संगहि सपा सांसद अखिलेश यादव योगी सरकार पर सवाल उठबैत कहलनि, “जँ फिल्मकेँ मनोरंजन करसँ छूट देल जा सकैत अछि तऽ महाकुंभक भव्य उत्सवक दौरान वाहनकेँ टोल फ्री किएक नहि कयल जा सकैत अछि ?”
