विधि-व्यवस्था दू ठामसँ मोटरसाइकिल आ मोबाइल लैपटॉपक भेल चोरी July 11, 2024 Maithil Punarjagran Prakash राजनगर सामदिया * राजनगर थाना क्षेत्रक चकदहमे दूटा अलग-अलग स्थानसँ एकटा मोटरसाइकिल आ एकटा मोबाइल लैपटॉप चोरी भऽ गेल। जनतबक अनुसार बासोपट्टी खिरहर सिरियापुर निवासी अखिलेश कुमारक मोटरसाइकिल पंजीकरण संख्या BR 32AN4834 चकदहक कुशवाहा छात्रावाससँ चोरी भऽ गेल अछि। एहि संबंधमे राजनगर पुलिस थानामे प्राथमिकी दर्ज कयल गेल अछि। दोसर चोरी चकदह नवटोलीक निवासी मुकेश कुमारक घरमे भेल। ओहि घरसँ लैपटॉप आ मोबाइल फोन चोरी भऽ गेल अछि। एहि संबंधमे राजनगर पुलिस थानामे प्राथमिकी सेहो दर्ज कयल गेल अछि। सामानकेँ पता लगाबय एवं चोरकेँ पकड़य केर प्रशासन आश्वासन देलक अछि। स्थानीय लोकक अनुसार एहि क्षेत्रमे चोरीक घटना लगातार भऽ रहल अछि। संगहि नशाक सेबन पर सेहो कतेको प्रयासक बाद नियंत्रण नहिं पाओल जा रहल अछि। स्थानीय निवासी त्रस्त अछि। Spread the love
