इजरायली प्रधानमंत्री बेंजामिन नेतन्याहू अमेरिकी राष्ट्रपति डोनाल्ड ट्रंपक बयानक समर्थन कयलनि, जाहिमे गाजा पट्टीसँ फिलिस्तीनी सभकेँ ओकर पुनर्निर्माण लेल स्थानांतरित करवाक प्रस्ताव शामिल अछि। ओ एहि योजनाकेँ ‘असाधारण’ बतेलथि।
रिपोर्टक अनुसार, बुधदिन अमेरिकी मीडियाकेँ देल गेल साक्षात्कारमे नेतन्याहू कहलनि जे, “ई पहिल नीक विचार अछि जे हम सुनने छी। ई एकटा उल्लेखनीय विचार अछि। हमरा लगैत अछि जे एकरा आगू बढ़ि लागू करबाक चाही – कियेक कि एहिसँ सबहक लेल अलग भविष्य बनत।”
इजरायली मीडियाक अनुसार ई बयान मंगलदिन व्हाइट हाउसमे संयुक्त प्रेस कॉन्फ्रेंसक दौरान ट्रंप द्वारा पेश कयल गेल आ तकर नेतनयाहूक पूर्ण समर्थन छल।
संवाददाता सम्मेलनक दौरान राष्ट्रपति ट्रम्प गाजा पट्टीक विलयक पुनर्विकासक प्रस्ताव देलखिन । ओ कहलनि, “अमेरिका गाजा पट्टी पर नियंत्रण करत। हम एकरा विकसित करब। हम गाजामे मौजूद खतरनाक बम आ अन्य हथियारकेँ साफ करब आ नष्ट भेल भवनसभकेँ हटा देब जे बर्बाद भऽ गेल अछि।
ट्रम्प कहलनि जे अमेरिका एकटा आर्थिक उछाल उत्पन्न करत, जे एहि क्षेत्रक लोकक लेल असीमित संख्यामे रोजगार आ आवास प्रदान करत।
अमेरिकी राष्ट्रपति कहलनि जे ओतय रहनिहार लोक फिलिस्तीनी सहित दुनिया भरिक लोक होयत।
मुदा, एहि बयानक बाद हंगामा भेल, व्हाइट हाउस बादमे एकरा स्पष्ट कयलक। एकटा वरिष्ठ अधिकारी कहलनि जे वाशिंगटनक लक्ष्य मात्र अस्थायी रूपसँ फिलिस्तीनी उपस्थितिकेँ हटायब अछि।
व्हाइट हाउसक प्रेस सचिव कैरोलिन लेविट एकटा संवाददाता सम्मेलनक दौरान कहलनि, “ट्रम्प ई स्पष्ट कऽ देने छथि … कि ओ आशा करैत छथि जे एहि क्षेत्रमे हमर सहयोगी – विशेष रूपसँ मिस्र आ जॉर्डन – फिलिस्तीनी शरणार्थीसभकेँ अस्थायी रूपसँ स्वीकारत जाहिसँ हम हुनकर घरक पुनर्निर्माण कऽ सकब।
लेविट कहलनि, “राष्ट्रपति ई स्पष्ट कऽ देने छथि जे फिलिस्तीनीसभकेँ पुनर्निर्माणक लेल अस्थायी रूपसँ गाजासँ बाहर निकालबाक आवश्यकता अछि किएक तँ ई वर्तमानमे विनाशक स्थल अछि आ मानव निवासक लेल उपयुक्त स्थान नहि अछि।”
