अपराध

मिथिला क्षेत्रीय बिहारक सहरसाक अस्पतालमे डाक्टर आ गार्ड नशामे धुत भेटलाह

सहरसा समदिया

*

बिहारमे शराबबंदी कानून लागू अछि, मुदा सदर अस्पताल सहरसामे शराबबंदी कानूनक धज्जी उड़ाबैत मामिला सोंझा आयल अछि।

की गार्ड, की कर्मचारी आ की डॉक्टर, सब सदर अस्पतालमे पीबैत मस्त छलाह, एहने एकटा वीडियो सामने आयल अछि, जाहिमे सदर अस्पतालमे सुरक्षाक लेल तैनात गार्ड शराबक नशामे खसैत देखल जा रहल अछि। ओतहि डॉक्टरक गाड़ी आ कारसँ नशामे भगैत डाक्टरक वीडियो बनाओल जा रहल छल। एहि दौरान डॉक्टरक लोक द्वारा मोबाइल छीनबाक मामिला सेहो देखल जा रहल अछि, जखन कि युवक पीयर शर्टमे देखल जा रहल अछि। ओ सदर अस्पतालक कर्मचारी छथि।

एहि संबंधमे वीडियो बनेनिहार जिला परिषदक प्रतिनिधिक अनुसार, एकटा बच्चा अस्वस्थ छल। परिवार बच्चाक स्वास्थ्यक लेल चिन्तित छल, मुदा ओकरा देखय बला कियो नहिं छल।

जखन परिवार फोन केलक तखन बच्चाक पर्ची वार्डमे बंद छल। कोनो डॉक्टर नहिं अछि आ कियो बिना पर्चीक इमरजेंसीयोमे नहिं देखत, एहि तरहक बात कहल गेल। जकर बाद जखन ओ अस्पताल पहुँचलाह तखन पता चलल जे डॉक्टर किछु समय पहिने फिल्मी गीत बजा कऽ शराब पीबि रहल छलाह आ आब ओ गाड़ी चालू कय जा रहल छथि। जखन ओ गाड़ी पर पहुँचलाह तखन शराबी गार्ड जमीन पर खसि पड़ि रहल छल। जकर बाद परिवार पुलिसकेँ फोन कयलक।

ओकर बाद परिवार एकर वीडियो बनाबय लागल, जखन वीडियो बनल तखन मोबाइल छीनि लेल गेल। ताबत धरि डॉक्टर आ गार्ड भागि गेल छलाह। एकटा आओर कर्मचारी जे अस्पतालमे छल, ओ सेहो नशामे छल। जखन हुनका शराब पीबाक विषयमे पूछल गेल तँ हुनका पर अपन परिवारक पाँचटा महिलाकेँ अस्पताल आनय केर बात कहि जाति सूचक आरोप लगाओल गेल। मामिला लगभग भोरे-भोरक अछि। वर्तमानमे डॉक्टर आ गार्ड फरार अछि। एकर बाद जखन मीडिया सदर अस्पतालक डीएस डॉक्टर एस पी बिस्वाससँ पूछताछ केलक तऽ ओ एहि वीडियोक जानकारी आ एकरा देखबाक बात स्वीकार केलनि आ कहलनि जे ओहि सब कर्मचारी आ डॉक्टरकेँ पत्र जारी कैल जा रहल अछि। २४ घंटामे एहि सबटा मामिला केर लय कऽ स्पष्टीकरण दिअ कि एहेन स्थितिमे अहाँ किएक छलौंह ?

Spread the love