संचार आ इलेक्ट्रॉनिक युद्ध विशेषज्ञ एडमिरल दिनेश कुमार त्रिपाठी मंगलदिन नौसेना प्रमुखक पदभार सम्हारलनि। एहिसँ पहिने ओ नौसेना उपप्रमुखक रूपमे काज कऽ रहल छलाह।
ओ भारतीय नौसेनाक २६म नौसेना प्रमुख छथि। एकर सङ्ग वर्तमान नौसेना प्रमुख पीवीएसएम, एवीएसएम, वीएसएम एडमिरल आर हरि कुमार ३० अप्रैल, २०२४केँ सेवानिवृत्त भेलाह।
पदभार सम्हारबासँ पहिने नौसेना प्रमुख पीवीएसएम, एवीएसएम, एनएम एडमिरल दिनेश त्रिपाठी राष्ट्रीय युद्ध स्मारक पर पुष्पांजलि अर्पित कयलनि।
रक्षा मंत्रालयक अनुसार, एडमिरल दिनेश कुमार त्रिपाठीकेँ १ जुलाई, १९८५केँ भारतीय नौसेनाक कार्यकारी शाखामे नियुक्त कयल गेल छल। ओ संचार आ इलेक्ट्रॉनिक युद्ध विशेषज्ञ छथि। हुनक नौसेनामे लगभग ३९ सालक दीर्घ आ विशिष्ट सेवा रहल अछि।
वाइस एडमिरल डीके त्रिपाठी भारतीय नौसेनाक पोतों विनाश, किर्च आ त्रिशूलक कमान सम्हारने छथि। एकर अतिरिक्त, ओ विभिन्न महत्वपूर्ण परिचालन आ कर्मचारी नियुक्तिपर सेहो काज कयने छथि। एहिमे पश्चिमी बेड़ाक परिचालन अधिकारी, नौसेना संचालन निदेशक, नेटवर्क सेंट्रल ऑपरेशनक प्रधान निदेशक आ नई दिल्लीमे नौसेना योजनाक प्रधान निदेशकक पद सम्मिलित अछि।
रियर एडमिरलक रूपमे ओ नौसेना स्टाफक सहायक प्रमुख (नीति आ योजना) आ पूर्वी बेड़ाक फ्लैग ऑफिसर कमांडिंगक रूपमे काज कयने छथि। ओ प्रतिष्ठित भारतीय नौसेना अकादमी, एझिमालाक कमांडेंट, नौसेना संचालन महानिदेशक, कार्मिक प्रमुख आ पश्चिमी नौसेना कमानक फ्लैग ऑफिसर कमांडिंग-इन-चीफक रूपमे वाइस एडमिरलक पद पर काज कयने छथि।
सैनिक स्कूल-रीवा आ राष्ट्रीय रक्षा अकादमी-खड़कवासलाक पूर्व छात्र वाइस एडमिरल दिनेश कुमार त्रिपाठी डिफेंस सर्विसेज स्टाफ कॉलेज, वेलिंगटन, नेवल हायर कमांड- करंज आ यूनाइटेड स्टेट्स नेवल वार कॉलेज- नेवल कमांड कॉलेज, यूएसएमे विभिन्न पाठ्यक्रम पूरा कयने छथि।