बिहार भाजपाक नवमनोनीत अध्यक्ष दिलीप जायसवाल सोम दिन पार्टी के राज्य मुख्यालयमे पदभार ग्रहण केलथि। जायसवाल एकटा भव्य समारोहमे निवर्तमान प्रदेश अध्यक्ष आ उपमुख्यमंत्री सम्राट चौधरीसँ पदभार ग्रहण कयलनि। एहिसँ पहिने दिल्लीसँ पटना पहुँचला पर पार्टी नेता, प्रदेश पदाधिकारी आ भाजपा कार्यकर्ता जायसवाल के भव्य स्वागत केलथि। दिलीप जायसवाल पटना हवाई अड्डासँ रथ पर सवार भऽ रोड शो के दौरान भाजपा प्रदेश कार्यालय पहुँचलाह। रोड शोमे दिलीप जायसवालक संग उप मुख्यमंत्री सम्राट चौधरी आ विजय सिन्हा सेहो उपस्थित छलाह। जायसवाल के भाजपा कार्यालयमे चांदीक मुकुट के ताज सेहो पहिराओल गेल । पार्टी कार्यालयमे स्वागत समारोहक जबरदस्त तैयारी छल। पैघ संख्यामे महिला कार्यकर्ता पहुँचल छलीह। ढोल सेहो बजा रहल छल। एहिसँ पहिने दिलीप जायसवाल दिल्लीसँ पटना हवाई अड्डा पहुँचलाह। हुनक स्वागतमे उपमुख्यमंत्री विजय सिन्हा आ सम्राट चौधरी सेहो उपस्थित छलाह। नव प्रदेश अध्यक्ष सहित दुनू उपमुख्यमंत्री सेहो एके वाहन पर देखल गेलाह। पटना हवाई अड्डा आ भाजपा राज्य मुख्यालय के बीच १० जगह पर सेहो स्वागत भेल। एहि अवसर पर भाजपाक राष्ट्रीय मंत्री ऋतुराज सिन्हा, विधानसभा अध्यक्ष नंद किशोर यादव, विधान परिषदक अध्यक्ष अवधेश नारायण सिंह, स्वास्थ्य आ कृषि मंत्री मंगल पांडेय के अलावा राज्य सरकारमे भाजपाक कतेको मंत्री, पार्टी के प्रदेश पदाधिकारी, विधायक, विधान परिषद सदस्य आ सांसद नव मनोनीत प्रदेश अध्यक्ष के सम्मानित केलथि। रोड शो के दौरान जायसवाल के पार्टीक विभिन्न मोर्चा, मंच, प्रकोष्ठ द्वारा स्वागत कैल गेल।
