धर्मेन्द्र कुमार झा चयनित भेलथि उत्कृष्ट प्रबंध संपादक सम्मान : २०२५ लेल
निज संवाददाता!! मैथिली अखबार मैथिल पुनर्जागरण प्रकाश (राष्ट्रीय मैथिली दैनिक) २६-१२-२०२५ केँ अपन निरन्तर प्रकाशनक चारि वर्ष पूरा कय पाँचम वर्षमे प्रवेश करत। जनतबक अनुसार अखबारक समाचार प्रबंधन एवं संपादनमे निरंतर एकर प्रबंध संपादक धर्मेन्द्र कुमार झा’क श्रेष्ठ भूमिका रहल अछि। हिनक इलेक्ट्रॉनिक मिडिया कवरेज, रिपोर्टिंग एवं अनेकों हस्ती सभक इन्टरव्यू इलेक्ट्रॉनिक मीडियामे चर्चामे रहल अछि आ तहिना हिनक संयमित आवाजमे कतेको प्रस्तुति सराहल गेल अछि।
फलतः मैथिल पुनर्जागरण प्रकाश फोरमक उपक्रम ‘मैथिल पुनर्जागरण प्रकाश (राष्ट्रीय मैथिली दैनिक) मे उत्तम समाचार प्रबंधन एवं संपादन आदिक लेल प्रबंध संपादक धर्मेन्द्र कुमार झाकेँ ‘उत्कृष्ट प्रबंध संपादक सम्मान : 2025’ लेल चयनित कयल गेल अछि।
‘मैथिल पुनर्जागरण प्रकाश फोरम’क तत्वावधानमे रांचीमे दिनांक २६-१२-२०२५ केँ होबयवाला ‘मैथिल पुनर्जागरण प्रकाश (राष्ट्रीय मैथिली दैनिक) केर पाँचम स्थापना दिवस समारोहमे धर्मेन्द्र कुमार झा सम्मानित हेताह।
