केंद्रीय ऊर्जा आ आवासन एवं शहरी कार्य मंत्री मनोहर लाल खट्टर शुक्रदिन कहलनि, 2047 धरि विकसित भारतक लक्ष्य पूरा करबामे ऊर्जा महत्वपूर्ण भूमिका निभाएत। नेशनल इलेक्ट्रिसिटी प्लान 2023 सँ 2032 केँ अवधिक दौरान देशमे जोड़ल जाएबला आवश्यक ट्रांसमिशन प्रणालीक विवरण देल गेल अछि।
मन्त्रालयक संसदीय सलाहकार समिति केर बैठकक अध्यक्षता करैत मनोहर लाल खट्टर कहला जे नेशनल इलेक्ट्रिसिटी प्लान (एनईपी) मे 2023 सँ 2032 केर अवधिमे देशमे जोड़य जाएबाला आवश्यक ट्रांसमिशन सिस्टमक विवरण देल गेल अछि, जे देशमे बिजलीक मांगमे वृद्धि आ उत्पादन क्षमतामे वृद्धि’क अनुरूप अछि।
एनईपी-ट्रांसमिशन केर केंद्रीय विद्युत प्राधिकरण द्वारा तैयार कएल गेल अछि। एनईपी-ट्रांसमिशनक अनुसार, 10 वर्षक अवधि (2023 सँ 2032) मे लगभग 1.91 लाख सर्किट किलोमीटर (सीकेएम) केर ट्रांसमिशन लाइन आ 1,274 जीवीए (गीगा वोल्ट एम्पीयर) केर ट्रांसफॉर्मेशन क्षमता जोड़बाक योजना अछि। एनईपी-ट्रांसमिशन केर केंद्रीय विद्युत प्राधिकरण (सीईए) द्वारा तैयार कएल गेल अछि। एहीमे वर्ष 2031-32 तक केर ट्रांसमिशन योजना केर कवर कएल गेल अछि।
केंद्रीय मंत्री द्वारा अधिकारीकेँ निर्देश देल गेल जे सदस्य सभ द्वारा देल गेल सुझावक लेल कार्यवाही करू आ लोकक कल्याणकेँ प्राथमिकता दिअ।
उच्चस्तरीय बैठकमे ट्रांसमिशनमे नवीन तकनीक आ साइबर सुरक्षा केर विषयमे सेहो बात भेल। ग्रामीण क्षेत्र सभमे औसत बिजली आपूर्ति 2014मे 12.5 घंटासँ बढ़ि कए 2025 मे 22.6 घंटा भ’ गेल। सरकार द्वारा गत मास बताओल गेल छल जे ग्रामीण क्षेत्र सभमे औसत बिजली आपूर्ति 2014 मे 12.5 घंटासँ बढ़ि कए 2025 मे 22.6 घंटा होयत आ शहरी क्षेत्र सभमे एहि वर्ष 23.4 घंटा भ’ गेल अछि। मनोहर लाल कहलनि कि हमरा सभक लक्ष्य अछि कि सभकेँ हर समय बिजली उपलब्ध कराउ आ देश भरिमे 100 प्रतिशत घरसभमे बिजली पहुँचाउ।
