भारतीय जनता पार्टी बेनीपुर नगर द्वारा दरभंगा नगर निगमक उप महापौर नाजिया हसनक पुतला दहन कयल गेल। कहल गेल अछि जे नाजिया हसन अपन राष्ट्र विरोधी बयानसँ समाजक साम्प्रदायिक सौहार्दकेँ बिगाड़बाक कोशिश अक्सर करैत रहैत छथि। एखनि किछु दिन पहिने भाजपाक आरोपक अनुसार राष्ट्रीय स्वयंसेवक संघक तुलना पाकिस्तानसँ करयवाली आ राष्ट्र विरोधी ताकति सबहक संपर्कमे रहयवाली नाजिया हसनक पुतलाकेँ पहिने पिटाई कऽ सभ अपन-अपन आक्रोश व्यक्त कयलनि। कार्यकर्ता सभ पहिने जमिकय नाजिया हसन मुर्दाबाद केर नारा लगाबैत गेलाह आ तकर बाद पुतला फूंकलन्हि।
एहि कार्यक्रममे भाजपा प्रदेश परिषद सदस्य डॉ० अमित झा ‘ पप्पू ‘, नगर अध्यक्ष प्रवीण कुमार झा , नगर महामंत्री सुबोध कामत , राजीव कुमार झा , शंकर भगवान पूर्वे , श्याम चन्द्र साहु , राजीव राय , सोनू ठाकुर , मुनीन्द्र यादव , मनोज कुमार ‘मुन्ना’ , राजेश कुमार मिश्र गुड्डू , संतोष झा , रामभगत झा , कैलाश झा , गोविंद ठाकुर , अर्जुन ठाकुर , संतोष साहू , संजीव सिंह आदि मौजूद छलथि।
