मुंबईमे 26 नवंबर 2008 कऽ भेल आतंकवादी हमलाक आरोपी राणाकेँ किछु दिन पहिने अमेरिकासँ प्रत्यर्पित कऽ भारत अनने छल। अदालत ओकरा 18 दिन केर राष्ट्रीय अन्वेषण अभिकरण (एनआईए) केर हिरासत देने छल। दिल्ली केर अदालत तहव्वुर राणा केर एनआईए कस्टडी 12 दिन तक बढ़ा देलक अछि।
एहिसँ पहिने कोर्ट 26/11 मुंबई हमलाक आरोपी तहव्वुर हुसैन राणा केर हिरासत 12 दिन तक आओर बढ़ाओल जाएबाक NIA केर याचिका पर अपना निर्णय सुरक्षित राखने छल। राणाकेँ ओकर 18 दिन केर एनआईए हिरासत समाप्त होबय पर कड़ा सुरक्षाक बीच आ ओकर चेहरा ढँकि कऽ विशेष एनआईए न्यायाधीश चंद्रजीत सिंह केर समक्ष प्रस्तुत कएल गेल।
राणाकेँ बीतल दिन अमेरिकासँ भारत प्रत्यर्पित कयलाक बाद अदालत 18 दिनक लेल राष्ट्रीय अन्वेषण अभिकरण (एनआईए) क’ हिरासतमे पठा देने छल। वरिष्ठ अधिवक्ता दयान कृष्णन आ विशेष सरकारी वकील नरेंद्र मान द्वारा बंद कक्षमे होबए वाला सुनवाईमे एनआईए’क तरफसँ संभवतः दलील पेश भेल।
दिल्ली विधिक सेवा प्राधिकरणक अधिवक्ता पीयूष सचदेवा राणा’क प्रतिनिधित्व करताह। अमेरिकाक उच्चतम न्यायालय मुंबई हमलाक मुख्य साजिशकर्ता डेविड कोलमेन हेडली उर्फ दाऊद गिलानीक निकटतम सहयोगी राणाकेँ भारत प्रत्यर्पणक खिलाफ दायर ओकर पुनरीक्षण याचिका चारि अप्रैलकेँ खारिज कय देलक, जकर बाद ओकरा अमेरिकासँ भारत पहुँचाओल गेल छल।
