ऑस्ट्रेलियाक प्रधानमन्त्री एंथनी अल्बनीज बच्चासभक सोशल मीडियाक उपयोगपर प्रतिबन्ध लगयबाक योजनाक घोषणा कयलनि अछि।
समाचार एजेंसीक रिपोर्टक अनुसार, प्रधानमंत्री कहलनि कि सरकार २०२४ मे सोशल मीडिया आ अन्य संबंधित डिजिटल प्लेटफॉर्म तक पहुँचि लेल न्यूनतम आयु लागू करय केर कानून पेश करत।
प्रधानमंत्री एकटा बयानमे कहलनि, “हम जनैत छी जे सोशल मीडिया सामाजिक नुकसान पहुँचा रहल अछि। ई बच्चासभकेँ असली दोस्त आ असली अनुभवसँ दूर कऽ रहल अछि।”
एहि कानूनक मसौदा राज्य आ केंद्र शासित प्रदेशक परामर्शसँ तैयार कयल जायत, मुदा हुनकर प्राथमिकता न्यूनतम आयु १६ वर्ष निर्धारित करब अछि।
अगस्तमे ऑस्ट्रेलियन ब्रॉडकास्टिंग कॉर्पोरेशनक एकटा सर्वेक्षणक अनुसार, ६१ प्रतिशत ऑस्ट्रेलियाई लोकनि १७ सालसँ कम आयुक बच्चा सभ धरि सोशल मीडियाक पहुँचकेँ सीमित करबाक समर्थन कयलनि।
दक्षिण ऑस्ट्रेलियाक प्रीमियर पीटर मालिनौस्कास पूर्व संघीय न्यायाधीश रॉबर्ट फ्रेन्चकेँ १४ सालसँ कम आयुक बच्चासभकेँ सोशल मीडियासँ प्रतिबन्धित करबाक कानूनी तरीका तकबाक काज सौंपलनि।
प्रधानमंत्री कहलनि जे संघीय सरकार कानूनक मसौदा तैयार करैत समय रॉबर्ट फ्रेंचक समीक्षा पर विचार करत।