दिल्लीक पूर्व मुख्यमंत्री आ आम आदमी पार्टीक संस्थापक अरविन्द केजरीवालक बयानसँ बिहारमे राजनीतिक हंगामा बढ़ि गेल अछि। उप मुख्यमंत्री सम्राट चौधरी शुक्रदिन (१० जनवरी, २०२५) एकटा संवाददाता सम्मेलनमे अरविन्द केजरीवालपर हमला कयलनि। ओ कहलनि, “आइ भारत देखि रहल अछि जे केना केजरीवाल दिल्लीमे बिहार आ उत्तर प्रदेशक जनताकेँ अपमानित कयलथि। अरविन्द केजरीवाल १३ साल धरि दिल्लीक मुख्यमंत्री छलाह आ एहि अवधिमे ओ बिहार आ पूर्वांचलक लोककेँ अपमानित करबाक लेल कतेको बेर काज कयने छथि।
सम्राट चौधरी कहलनि, “अरविंद केजरीवाल कहैत छलाह जे लोक 500 रुपयाक टिकट कटा इलाजख लेल दिल्ली आबि जाइत अछि।जखनि कि बिहारक एकटा जिला पटनाक जतेक जनसंख्या अछि से दिल्लीक कुल मतदाताक संख्यासँ बेसी अछि।
अरविन्द केजरीवाल मामिलामे सम्राट चौधरी लालू प्रसाद यादवकेँ सेहो घसीटलनि। कहलनि, “ई उहे अरविन्द केजरीवाल छथि जे कहियो लालू प्रसाद यादवकेँ अपराधी आ भ्रष्ट व्यक्ति कहैत छलाह। आइ हुनकर बेटा केजरीवालक कोरामे खेलि रहल अछि। दोसर दिसि कांग्रेस पार्टी अछि, जे लालू प्रसाद यादवकेँ स्थायी जेलमे रखबाक लेल सभ व्यवस्था कयलक। १३ साल धरि अरविन्द केजरीवाल जनताकेँ गुमराह कयलनि। शीश महल स्थापित कयलनि।बिहार आ उत्तर प्रदेशक लोककेँ बदनाम कयलनि।
सम्राट चौधरी आगू कहलखिन जे हम बिहार आ यूपी केर लोक प्रतिभाशाली छी। ओ केकरो पर बोझ नहि अछि। बिहार आ उत्तर प्रदेशक लोक तऽ जकरा सङ्ग ठाढ़ भऽ जाइत अछि ओ सौभाग्यशाली होइत अछि। एहि लेल बिहार आ उत्तर प्रदेशक जनता २०२५क दिल्ली विधानसभा चुनावमे बदला लेत। हुनका (केजरीवाल) सत्तासँ बाहर करत।
चौधरी आगू कहलनि, “हम लालू प्रसाद यादवसँ जानय चाहैत छी जे की अहाँ केजरीवालजी केर संग ठाढ़ छी जे बिहारक जनताकेँ अपमान कयलनि आ सबसँ पहिने अहांकेँ अपमान कयने छथि ? अन्ना आन्दोलनक माध्यमसँ ओ अहाँकेँ गारि देबाक काज कयने छथि।
