चुनाव आयोग (ईसीआई) भाजपा अध्यक्ष जेपी नड्डा आ कांग्रेस अध्यक्ष मल्लिकार्जुन खड़गेकेँ निर्देश देलक अछि जे ओ स्टार प्रचारकसभकेँ अपन भाषण सुधारब, सावधानी बरतबाक आ शिष्टाचार बनेबाक लेल औपचारिक निर्देश जारी करथि। चुनाव आयोग कहलक जे भाजपा आ कांग्रेसक स्टार प्रचारकक प्रचारक गुणवत्ता बहुत खराब भऽ गेल अछि, जाहि कारणेँ आदेश जारी कयल गेल अछि।
चुनाव आयोग जाति, समुदाय, भाषा आ धर्मक आधार पर प्रचार करबाक लेल भाजपा आ कांग्रेस दुनू पर भारी प्रहार कयलक अछि। एहि मामिलामे दुनू पक्षकेँ एहन करबासँ बचबाक सलाह देल गेल अछि। एक दिसि चुनाव आयोग कांग्रेसक स्टार प्रचारकसभकेँ रक्षा बलक राजनीतिकरण नहिं करबाक सलाह देलक अछि, दोसर दिस भाजपाकेँ सलाह देल गेल अछि जे ओ एहन भाषण नहि देथि जाहिसँ समाजमे विभाजन उत्पन्न होय।
निर्वाचन आयोग दुनू दलक स्टार प्रचारकसभकेँ निर्देश देलक अछि जे ओ अपन प्रचारमे धार्मिक आ साम्प्रदायिक रंगसँ दूर रहथि। चुनाव आयोग भाजपासँ इहो कहलक अछि जे ओ अभियानक दौरान एहन भाषण नहिं देथि जाहिसँ समाजमे विभाजन उत्पन्न होय।
चुनाव आयोग कांग्रेसकेँ ई सुनिश्चित करबाक निर्देश देलक अछि जे स्टार प्रचारक एहन बयान नहि देथि जे गलत धारणा दैत होय। आगू, अग्निवीर योजना पर बजैत चुनाव निकाय कांग्रेस प्रचारक आ उम्मीदवारसभसँ कहलक अछि जे ओ रक्षा बलक राजनीतिकरण नहिं करथि आ रक्षा बलक सामाजिक-आर्थिक संरचनाक विषयमे सम्भावित विभाजनकारी बयान नहिं देथि।
निर्वाचन आयोग कहलक अछि जे भाजपा आ कांग्रेसकेँ भारतीय मतदाताक गुणवत्तापूर्ण चुनावी अनुभवक विरासतकेँ कमजोर करबाक अनुमति नहिं देल जायत। चुनाव आयोग भाजपा आ कांग्रेस द्वारा एक-दोसरा पर लगाओल गेल सभटा आरोपकेँ खारिज कऽ देलक अछि। आयोग कहलक जे चुनावक समय सत्तारूढ़ दलकेँ अतिरिक्त जिम्मेदारी भेटय केर चाही आ विपक्ष लेल असीमित अतिरिक्त स्थान नहिं होयबाक चाही।
