छठि पर्वक साँझुक अर्घ ७ नवम्बरकेँ अछि आ एकरा ध्यानमे रखैत राज्यपाल आतिशीकेँ पत्र लिखि जल्दीसँ जल्दी सार्वजनिक अवकाश घोषित करबाक फाइल भेजबाक लेल कहलनि।
दिल्लीक उपराज्यपाल वीके सक्सेना मुख्यमंत्री आतिशीकेँ पत्र लिखि ७ नवम्बरकेँ दिल्लीमे सार्वजनिक अवकाश घोषित करबाक आग्रह कयलनि, जाहिपर मुख्यमंत्री आतिशी ट्वीट कयलनि जे हमरा ई सूचित करैत प्रसन्नता भऽ रहल अछि जे दिल्ली सरकार निर्णय लेलक अछि जे ७ नवम्बरकेँ छठिक पाबनिक लेल छुट्टी होयत, जाहिसँ सभ पूर्वांचली भाइ-बहिन छठिक पाबनि धूमधामसँ मना सकथि।
जनतब जे छठि पर्वक साँझुक अर्घ ७ नवम्बरकेँ अछि आ एकरा ध्यानमे रखैत राज्यपाल आतिशीकेँ पत्र लिखि जल्दीसँ जल्दी सार्वजनिक अवकाश घोषित करबाक फाइल भेजबाक लेल कहलनि।
पत्रमे उपराज्यपाल लिखलनि, “किछु दिनमे हम छठि मनायब। आस्थाक ई महान पाबनि चारि दिन धरि मनाओल जाइत अछि, जाहिमे तेसर दिन जखनि अस्ताचल सूर्य देवताकेँ अर्घ्य चढ़ाओल जाइत अछि ओ सबसँ महत्वपूर्ण अछि। एहि साल ७ नवम्बरकेँ पड़यवला एहि दिनकेँ पहिनेसँ प्रतिबद्ध अवकाश घोषित कयल जा चुकल अछि। हमर निवेदन अछि जे सरकार ७ नवम्बरकेँ पूर्णकालिक अवकाश घोषित करू आ एहि संबंधमे फाइल जल्दीसँ जल्दी पठाओल जाय।”
