पिक्सल पृथ्वीक चित्र लेबाक लेल दूटा उपग्रह शकुंतला आ आनन्द प्रक्षेपित कयलक अछि। पिक्सेल एहि साल धरि ६ टा उपग्रह प्रक्षेपित करबाक योजना बना रहल अछि। संगहि, अगिला साल पिक्सलक १८ आर उपग्रह (सैटेलाइट) प्रक्षेपित (लाॅन्च) करबाक योजना अछि। अधिकारी अहमद कहलनि जे एहि सॉफ्टवेयरक सहायतासँ हाइपरस्पेक्ट्रल चित्र लेल जा सकैत अछि।
विज्ञान आ प्रौद्योगिकीक सहायतासँ भारत एकक बाद एक सफलताक सीढ़ी चढ़ि रहल अछि आ सफलता प्राप्त कऽ रहल अछि। हालहिमे बेंगलुरु स्थित अंतरिक्ष स्टार्टअप पिक्सल एकटा नव नवाचार (इनोवेशन) कयलक अछि, जाहि कारणेँ आब अहाँ अपन घरक उपग्रह चित्र देखि सकैत छी। पिक्सल एकटा ऑनलाइन सॉफ्टवेयर अनबाक योजना बना रहल अछि जे अहाँकेँ उपग्रह द्वारा लेल गेल पृथ्वीक चित्र आरामसँ घर बैसल देखि सकैत छी।
एहि सॉफ्टवेयरक विषयमे जानकारी दैत पिक्सल स्पेसक सीईओ आ सह-संस्थापक अवैस अहमद कहलनि जे पृथ्वी निगरानी (अर्थ मॉनिटरिंग) स्टूडियो बहुत कम शुल्कपर आम आदमी धरि अन्तरिक्ष आधारित डाटा पहुँचयबामे सहायता करत।
पिक्सलक ई स्टूडियो औरोरा एहि सालक अन्त धरि शुरू होयबाक आशा छैक, जाहिसँ उपग्रहक सहायतासँ पृथ्वीक हाइपरस्पेक्ट्रल चित्र आ आँकड़ा(डेटा) सबकेँ भेटि सकैत छैक। अहमद कहलनि, “ई सॉफ्टवेयर गूगलक उपयोग जकाँ सरल होयत। मानि लिअ, हमरा अगिला एक-दू सप्ताहमे चिकमंगलुरुक चित्र चाही। ई काज हमर उपग्रह सभकेँ सौंपल जायत आ जखनि अहाँ एकर भुगतान करब तखन ओ अहाँकेँ ई चित्र देत।
पिक्सल पृथ्वीक चित्र लेबाक लेल दूटा उपग्रह शकुंतला आ आनन्द प्रक्षेपित कयलक अछि। पिक्सल एहि साल धरि ६ टा आर उपग्रह प्रक्षेपित करबाक योजना बना रहल अछि। अहमद कहलनि जे पिक्सल अगिला साल १८ आओर उपग्रह प्रक्षेपित करबाक योजना बना रहल अछि, एहि सॉफ्टवेयरक सहायतासँ हाइपरस्पेक्ट्रल छविकेँ कैप्चर कयल जा सकैत अछि। जकर अर्थ अछि जे जँ कोनो चित्र साधारण कैमरासँ लेल जाइत अछि तखन ई मात्र देखबैत अछि जे पृथ्वी पर एकटा पात अछि, ओतहि जखनि हाइपरस्पेक्ट्रल चित्र होयत अछि तखन ई एतेक स्पष्ट रूपसँ देखबामे अबैत अछि जे ईहो देखल जा सकैत अछि जे पात पर कोनो कीड़ा तऽ नहिं लागल अछि।
