जदयू नेता नायब गुलाम रसूल बलियावी जदयू केर प्रबल समर्थक मानल जाइत रहल छथि। ओ जदयू केर एकटा बडका सम्मेलनक दौरान अपन भाषणमे एतेक धरि कहि देने छलथि कि, जँ मुसलमान जदयूकेँ वोट नहि दैत छथि ओ गद्दार होएत। मुदा आब वैऽह गुलाम रसूल बलियावी सीएम पर गंभीर आरोप लगाबैत पार्टी छोड़बाक घोषणा क’ देलनि अछि।
वक्फ बिलमे कएल गेल संशोधनक विरोध लगातार जारी अछि। एहि पर जनता दल यूनाइटेडसँ कतेको नेता पार्टीसँ त्यागपत्र दऽ चुकल अछि। आब एदारा ए शरीफक नायब गुलाम रसूल बलियावी सेहो पार्टी छोड़बाक ऐलान क’ देलथि। बलियावी कहलथि जे पार्टीमे रहब वा नहि, एहि पर निर्णय बादमे लेब, मुदा निर्णय जल्दीए लेब। गुलाम रसूल बलियावी कहलथि जे नीतीश कुमार मुसलमानक लेल कतेको काज कएने छथि मुदा कतौह ने कतौह हुनकासँ सेहो चूक भ’ गेल अछि।
दरअसल पटनामे एदारा ए शरिया केर तत्वावधानमे एकटा प्रेस वार्ताक आयोजन कएल गेल छल, जाहिमे बिहार आ झारखंडक बिभिन्न खानकाहक सज्जादा नशीन, प्रमुख मौलानाक संग-संग राजनीतिक आ सामाजिक हस्तीसभ सेहो भाग लेलक।
एदारा ए शरीफक नायब गुलाम रसूल बलियावी कहलथि जे ओ एहि बिल केर खिलाफत पहिनेसँ कएने छथि। ओ कहलथि जे ओ पहिने एदारा केर नायब छथि, तकर बाद ओ जदयू केर नेता छथि। बलियावी कहलथि जे पार्टीमे रहब कि नहि ई निर्णय बादमे होएत, मुदा निर्णय जल्दि लेल जायत।
गुलाम रसूल बलियावी कहलथि जे नीतीश कुमार मुसलमान सभक लेल बहुत काज कयने अछि, मुदा कतौह ने कतौह हुनकोसँ चूक भ’ गेल अछि।
एहि प्रेस वार्तामे जनता दल यूनाइटेड केर पूर्व एमएलसी गुलाम रसूल बलयाबी, सैयद शाह शमीमुद्दीन अहमद मूनएमि सहित अन्य कतेको लोक छलथि। सभ वक्ताव सभ वक्फ संशोधन बिल पर गंभीर चिंता व्यक्त कएलनि आ एकरा वक्फ संपत्ति आ मुस्लिम समुदायक अधिकार सभक विरुद्ध बतौलनि। सम्मेलनमे वक्ता सभ एक सुरमे कहलनि जे एहि बिल शसँ वक्फ बोर्डक स्वायत्तता केर खतरा अछि आ एकरासँ धार्मिक संस्थान सभक सञ्चालनमे सरकारी हस्तक्षेप बढ़त।
