भारतक 79म स्वतंत्रता दिवस केर पूर्व संध्या पर आइ वृहसपति दिन अपराह्न एक बजे सी. एम. साइंस कालेज, दरभंगासँ ‘हर घर तिरंगा’ कार्यक्रमक अंतर्गत तिरंगा यात्रा निकालल जायत। महाविद्यालयक एनसीसी आ एनएसएस इकाई केर संयुक्त तत्वावधानमे निकालल जाय बला एहि यात्राक शुभारंभ महाविद्यालय परिसर स्थित बाबू चंद्रधारी सिंह केर प्रतिमा स्थलसँ होयत।
बाबू चंद्रधारी सिंह केर प्रतिमा पर माल्यार्पण कयला उपरांत प्रधानाचार्य प्रो. संजीव कुमार मिश्र, तिरंगा यात्रा केर अगुवाई करताह। ई यात्रा महाविद्यालय परिसरसँ आरंभ भ’ शहीद भगत सिंह चौक, दरभंगा टावर चौक आ सुभाष चौक होइत महाविद्यालय परिसरमे आबि समाप्त होयत।
