दरभंगामे आयोजित शहीद सूरज नारायण सिंह स्मृति समारोहमे बिहारक मुख्यमंत्री नीतीश कुमार शामिल भेलाह। कार्यकर्ता सब हुनकर जोरदार स्वागत केलक। मुख्यमंत्री सभा केर संबोधित करैत उपस्थित लोककेँ अभिवादन कयलनि। एहि समारोहमे उपमुख्यमंत्री सम्राट चौधरी सेहो उपस्थित छलाह।
कार्यक्रमक उद्घाटन मुख्यमंत्री नीतीश कुमार, उपमुख्यमंत्री सम्राट चौधरी सहित मंच पर उपस्थित अन्य गणमान्य व्यक्ति सब संयुक्त रूपसँ दीप प्रज्वलित कs कयलथि। ई आयोजन शहीद सूरज नारायण सिंहक स्मृतिमे आयोजित कयल गेल छल। एहि दौरान पूर्व सांसद आनंद मोहन सिंह मुख्यमंत्रीकेँ पांच सूत्री मांग पत्र सौंपलथि। एहि मांग पत्रमे क्षेत्रीय विकास आ जनहितसँ जुड़ल महत्वपूर्ण मुद्दा शामिल अछि।
जिला प्रशासन मुख्यमंत्रीक सुरक्षाक लेल विस्तृत सुरक्षा व्यवस्था कयने छल। पूरा शहरमे पुलिस बलक तैनाती कएल गेल छल जाहिसँ समारोह शांति आ व्यवस्थित भs सकल।
शहीद सूरज नारायण सिंह स्मृति समारोहक तैयारीमे पूर्व सांसद आनंद मोहन सिंह केर अहम भूमिका छल। करीब पन्द्रह दिन दरभंगामे छलाह आ समारोहक सफल आयोजनमे लागल छलाह।
